Почина Вал Килмер (65), ѕвездата од Top Gun и Batman, кој го изгуби гласот поради рак на грлото
- Детали
- среда, 02 април 2025
Актерот Вал Килмер го победи ракот на грлото, но поради третманите го изгуби гласот. Тој почина на 65-годишна возраст, од компликации со пневмонија.
По низа здравствени проблеми, вклучувајќи и рак на грлото, актерот Вал Килмер почина на 65-годишна возраст.
Актерот кој ќе биде запомнет по улогите во Batman и Top Gun починал вчера (01.04) од пневмонија, а веста ја сподели неговата ќерка Мерцедес Килмер.
Актерот имаше рак на грлото поради што му беше направена трахеотомија – хируршки зафат со кој се прави дупка на вратот со цел да се олесни дишењето.
Иако успеа да го победи ракот, актерот не можеше да зборува поради операцијата.
За да може да комуницира, тој користеше уред кој се поставува на вратот и кој произведува звук, исто како глас.
Со помош на вештачка интелигенција, звукот на уредот беше направен што е можно посличен до гласот на Вал Килмер.
Како актерот се избори со ракот?
Вал Килмер ја добил дијагнозата за рак на грлото во 2015-та, но неколку години криеше од јавноста.
Подоцна откри дека самиот викнал брза помош бидејќи искашлал згрутчена крв и изгубил свест.
Се разбудил во болница, откако му била направена итна трахеотомија како третман за рак на грлото.
Но, кога во јавност се појавија шпекулации дека има рак, тој негираше, тврдејќи дека нема канцероген тумор.
„Ви благодарам за поддршката, но немав тумор, операција за тумор или каква било друга операција. Имав компликација заради која беше најдобро да останам во болница.
Се молам за брзо закрепнување. Ве молам не грижете се“, напиша тој на Фејсбук.
Сепак, шпекулациите за неговата здравствена состојба не стивнаа, особено бидејќи беше очигледно дека има проблеми со зборувањето и дишењето.
Продолжува на следната страница...
Би можело да ве интересира:





