Прстен од 176.000 евра, дедото ќе ја плаќа свадбата: Детали од свршувачката на Бруклин Бекам
- Детали
- понеделник, 13 јули 2020
Целото семејство Бекам било присутно на запросувањето, а ќе има две свадби. Бруклин Бекам вели: „Ја прашав мојата сродна душа да се омажи за мене и таа кажа „да“. Јас сум најсреќниот човек на светот.“
Бруклин Бекам неодамна ја објави веста за свршувачка со актерката Никола Пелц, а фановите се воодушевени за среќниот пар.
Парот објави прекрасна фотка на социјалните мрежи и 25-годишната Пелц откри дека фотографијата ја направила Харпер Бекам, малата сестра на Бруклин.
Но, потоа на Инстаграм Стори Пелц објави уште една фотографија од денот на запросувањето и откри дека таа е дело на Викторија Бекам.
Очигледно целото семејство Бекам било присутно во мигот кога Бруклин (21) ѝ го поставил прашањето на својата сакaна.
Инаку Бруклин во описот на фотката од запросувањето напиша:
„Пред две седмици ја прашав мојата сродна душа да се омажи за мене и таа кажа „да“. Јас сум најсреќниот човек на светот. Ветувам дека ќе бидам најдобриот сопруг и најдобриот татко еден ден. Те сакам мила.“
Дијамантскиот свршенички прстен кој ѝ го дал чини околу 176.000 евра. Бруклин на Инстаграм Стори сподели фотка како Пелц го милува миленикот и во прв план доаѓа до израз прстенот.
Ова дефинитивно е месец за славење кај Бекамови, затоа што Викторија и Дејвид на 4-ти јули прославија 21 година брак.
Во британските медиуми излезе информација дека се подготвува милионска прослава која ќе ја плаќа таткото на Никола Плец, 78-годишниот милијардер Нелсон Пелц, но дека и Бекамови сакале да дадат свој придонес на церемонијата.
Нелсон е бизнис тајкун со огромно богатство, два приватни авиона и вили кои се вистински луксуз и раскош во споредба со оние на Бекамови.
Парот наводно ќе потпише и предбрачен договор, а свадбени прослави ќе има и во Велика Британија и на Флорида наредното лето.
Бруклин отсекогаш се воодушевувал на долгиот брак на своите родители, како и на баба и дедо, па блиските не ги изненадила одлуката да се ожени толку млад.
Дејвид и Викторија биле воодушевени од Никола затоа што од самиот почеток сметале дека Бруклин конечно пронашол девојка која не е со него поради слава и пари.
На следната страна фотки од парот и убавата Пелц...
Би можело да ве интересира:
Препорачуваме
Најчитани неделава
