Децата треба да учат од нив: Викторија и Дејвид и по 25 години брак вљубени на Валентајн

Детали

среда, 14 февруари 2024

„Што да му купиш на мажот што има сѐ“ – се пошегува Викторија до фотката од подарокот што му го купила на Дејвид за Валентајн. Тој, пак, со фотка со страстен бакнеж покажа како изгледа да си ја сакаш сопругата и по 25 години брак.

Викторија и Дејвид Бекам важат за еден од најскладните парови во светот на славните и не ја кријат љубовта што ја имаат еден за друг, а за нив празникот на вљубените е нешто посебно.

Викторија одлучи денот да го одбележи со нивни стари фотки на кои разменуваат бакнежи, а тој ѝ упати посебна порака.

Дејвид објави фотка на Инстаграм на која се гледа страсниот бакнеж што тој и сопругата го размениле на зајдисонце и до неа напиша:

„Среќен Валентајн на оваа прекрасна сопруга, мајка и најдобар другар. Те сакам, мислам, само ми се допаѓаш“.

Викторија, пак, откри дека утрово имала мала незгода и мора да става мраз на ногата затоа што се повредила додека вежбала во теретана, но откри и каков подарок му купила на „сопругот што има сѐ“.

На фотката се гледа дека таа му купила списание за фармери, што ќе му се најде на Дејвид, ако се земе предвид дека за Божиќ минатата година таа му купи кокошарник со кокошки и петел.

Освен тоа, некогашната членка на Spice Girls и модна креаторка сподели и повеќе фотки од младоста на која се заедно со Дејвид.

„Вие сте нашиот омилен пар“;

„Вљубени сме во вашата љубов“;

„Најубавите вљубени птички на интернет“ – стои во дел од коментарите.

Погледнете дел од фотките што Викторија ги објави на Инстаграм:

Б. С. Б. | Црнобело