Љупка Митрова и саканиот слават една година во врска - инфлуенсерката објави вљубени фотки

Детали

понеделник, 20 јануари 2025

„Да наздравиме за една година љубов“ - пишува струмичката инфлуенсерка Љупка Митрова, која објави фотографии со својот сакан.

Љупка Митрова од Струмица, која е една од нашите најпознати инфлуенсерки, прославува една година во врска со нејзиниот партнер.

Љупка, која неодамна отворено зборуваше за својот развод, кој не бил нималку лесен, по подолго време е повторно среќна и емотивно исполнета.

Таа и нејзиниот сакан често патуваат заедно низ Европа, а дел од тие фотографии Љупка сега ги сподели на Инстаграм.

На фотките, Љупка се бакнува со саканиот, уживаат во вечера на зајдисонце покрај море, наздравуваат со вино, се прегрнуваат...

„Да наздравиме за една година љубов“ - напиша таа и доби многу честитки и позитивни пораки од пријателите и следбениците.

За потсетување, Љупка беше 15 години во љубовна врска со таткото на своите две ќерки, а брзо по разводот почна да се гледа со победникот на реалното шоу „Големиот брат“ Дарко Спејко од Куманово.

Откако ја раскина оваа врска, не споделуваше ништо за својот љубовен живот, но последниве месеци не крие дека е заљубена и среќна покрај својот нов партнер, со кого беше и на летување, а друштво им правеа и ќерките на Љупка.

Погледнете ги фотографиите:

Прочитајте и Љупка Митрова: „Моментот кога решив да ставам крај на бракот е моментот кога решив да почнам да се сакам себеси“

А. Ј. | Црнобело