Фото доказ зошто Бредли Купер е татко за медал - си се шета со розово венче од ќеркичката

Детали

вторник, 19 мај 2020

Во понеделникот, папараците направија навистина слатки фотографии од Бредли Купер и неговата 3-годишна ќерка.

45-годишниот актер, покрај заштитната маска, на главата носи и розово венче, а за рака ја држи ќеркичката Леа додека минуваат улица во Њујорк.

Актерот, како и секогаш, изгледа одлично, но Леа дефинитивно го засени. Малото девојче е облечено во розово „од глава до пети“ и, се разбира, носи и заштитна маска.

Тато Бредли е очигледно подготвен на сè за ќеркичката Леа - па не му е проблем ниту да нози розово венче на глава.

Бредли ја доби Леа со поранешната девојка Ирина Шајк, со која се разделија минатата година, после четири години заедно. Парот остана во добри односи, па дури и беа забележани на заеднички ручек пред да почне пандемијата.

За нивната разделба, Ирина има изјавено:

„Двајца одлични луѓе не мора да бидат добар пар“.

Супермоделот изјави и дека ѝ требало време да се навикне на сингл животот, но и на фактот дека сега е самохрана мајка:

„Тешко е да се најде рамнотежа кога сте самохрана мајка и жена која заработува“, вели 34-годишниот модел.

Спирова С. | Црнобело