Криси Тајген критикувана – се бања гола со децата: „Големи се за да ја гледаат гола мајка им“

Детали

понеделник, 10 февруари 2025

„Ниту едно дете на оваа возраст не сака да се бања со голата мајка до себе“, „Никој не сака да те гледа гола во када со твоите деца“ – Криси Тајген критикувана откако објави низа фотки меѓу кои и една на која таа е топлес со трите деца во полна када.

Криси Тајген отсекогаш сака да ја бранува јавноста со споделување на необични моменти од секојдневието или сурови ставови.

Честопати е мета на критики и позната е по тоа што никогаш не премолчува и дрско им одговара на коментарите на следбениците.

Овој пат предизвика низа реакции откако објави албум со неколку неповрзани фотографии и видеа од нејзиниот живот периодов и семејни моменти со нејзините четири деца – Врен Александер (18 месеци), Ести Максин (2), Мајлс Теодор (6) и Луна Симон (8).

Помеѓу моментите на кои се гледаат нејзините козметички третмани, игрите со децата низ дома, како и професионални ангажмани, таа објави и еден интимен момент.

Насловната фотографија е од неа, гола, со три од децата во када, каде прават купка со кокосово млеко.

Иако голем дел не гледаат ништо лошо во тоа мајката да се бања топлес со своите деца, или пак се фокусираа на позитивни коментари за останатите семејни моменти, повеќето ја искритикуваа дека децата веќе се пораснати за да седат со нивната мајка гола во када, но и што воопшто има потреба да го сподели тоа со јавноста.

Дел од коментарите на објавата гласат:

„Ниту едно дете на оваа возраст не сака да се бања со голата мајка до себе“.

„Никој не сака да те гледа гола во када со твоите деца“.

„Момчињата се големи за да се во када со тебе, не е соодветно“.

„И децата заслужуваат приватност“.

„Фотографијата од када е чудна и непотребна да се сподели“.

„Ова е момент што треба да се чува во приватност... голи деца и гола возрасна личност заедно во када, треба да е последното нешто што некој ќе помисли да го стави на интернет, независно колку е невина намерата“.

постара фотографија од Криси во купка со кокосово млеко

Освен за голотијата, Криси доби дури и коментари за тоа дека секогаш водата во када ѝ е валкана, на што таа дрско одговори:

„Ова е купка со кокосово млеко за чувствителна кожа, ама гледај си ја твојата работа!“

Погледнете уште неколку фотки од најновата објава на Криси:

М. М. | Црнобело