Хју Џекмен страсно ја бакнува новата девојка која е 20 години помлада од бившата сопруга (фото)

Детали

вторник, 14 јануари 2025

Додека Хју Џекмен не може да ги тргне рацете од новата девојка, бившата сопруга го преболува разводот минувајќи време со децата. Во меѓувреме, фановите на актерот го критикуваат за аферата и тоа што не ни пробува да ја скрие новата врска.

Неодамна беше потврдена врската на Хју Џекмен со колешката Сатон Фостер, а сега неофицијално и самите потврдија дека се пар.

56-годишниот актер и 49-годишната Сатон беа фотографирани како страсно се бакнуваат во автомобил.

Кратко потоа беа забележани на паркинг, каде и двајцата излегоа од автомобилот и не можеа да ги тргнат рацете еден од друг пред да се разделат.

Само неколку часа откако фотките се појавија во јавност, поранешната сопруга на Хју – Дебора – беше забележана на тениски натпревар со ќерка им Ава.

69-годишната Дебора и 19-годишната Ава следеа натпревар во склоп на Australian Open.

Поранешната сопруга на актерот изгледаше во добро расположение, а пред да почне натпреварот, гордо позираше со ќерка ѝ.

За потсетување, Дебора и Хју најавија дека ќе се разведуваат во септември 2023-та, по 27 години брак.

Не е позната точната причина за разделбата, но според гласините, актерот имал афера со сегашната девојка, а сите освен Дебора биле свесни затоа.

Фактот што многумина молчеле за аферата, вклучувајќи ги и Блејк Лајвли и Рајан Рејнолдс кои им се добри пријатели, дополнително ја разгневило Дебора.

Во меѓувреме, фановите реагираат бурно на аферата на актерот, особено новите фотки на коишто се бакнува со девојка му.

„Нема апсолутно никаква причина да ја бакнува во јавност, освен ако не сака дополнително да ја повреди Дебора“.

„Покажи барем малку почит кон бившата сопруга“.

„Хју, мислев дека барем ти си добра личност…“

„Без разлика колку се вљубени, бакнувањето во јавност за сите да ги видат е себично“.

Засега Дебора се нема огласено ни за разводот, ни за новата љубов на актерот.

Повеќе фотографии од Хју Џекмен и новата девојка во продолжение:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

Спирова С. | Црнобело