Џастин Балдони за првпат се шета со сопругата - откако Блејк Лајвли го обвини за сексуално вознемирување

Детали

вторник, 24 декември 2024

Тој ја нарекуваше сопругата „магична“ и постојано објавуваа фотки од семејната идила со нивните две деца, но сега Џастин и Емили Балдони изгледаат тензично, откако тој доби сериозни обвиненија од Блејк Лајвли.

Драмата меѓу Блејк Лајвли и режисерот на филмот It Ends With Us, Џастин Балдони, кулминираше со тужба од страна на актерката, која го обвини за сексуално вознемирување, кое вклучува зборување за неговата зависност од порнофилмови и давање коментари со сексуална конотација за Блејк, но и сите од филмската екипа.

Џастин Бладони за првпат е фотографиран по тужбата, како се шета со сопругата Емили Балдони во Беверли Хилс.

Парот, кој стапи во брак по две години состанување во јули 2013-та година, има деца на возраст од 9 и 7 години.

Тие изгледаат тензично, за разлика од среќните фотографии кои ги имаат на социјалните мрежи, пред настанот.

Џастин имаше навика дури и да објавува фотки само од неговата сопруга со опис од типот на: „Магична“.

Сега, и покрај обвинувањата Емили очигледно останува како поддршка на Џастин.

Џастин Балдони со сопругата некогаш:

Нови фотографии од Балдони и сопругата:

С. С. | Црнобело