Ријана пресреќна на концерт на Мараја Кери – доби автограм на градата, му „тверка“ на дечко ѝ (видео)

Детали

четврток, 19 декември 2024

На последниот концерт од божиќната турнеја на Мараја Кери, во публиката беше и Ријана која си доби автограм од омилената пејачка, и тоа на нејзината града. Од видеата од концертот, очигледно е дека Ријана си поминала прекрасно - постојано танцува, пее на сите песни, а во еден миг и му „тверкаше“ на Ејсап Роки.

Од ноември, Мараја Кери беше на божиќна турнеја низ САД која заврши во вторникот (17.12).

Помеѓу бројните фанови, последниот концерт го следеше и Ријана, а со Мараја имаа интересен момент.

На видео кое масовно се споделува онлајн, се гледа Мараја која им се приближува на фановите во првиот ред, а меѓу нив е и Ријана.

Мараја има широка насмевка на лицето кога ја здогледува колешката.

Ријана, пак, ѝ вели дека ѝ треба автограм и прашува дали некој има маркер.

Кога еден маж, веројатно од обезбедување, ѝ дава маркер на Мараја, Ријана вели:

„Потпиши ми се на градата“.

Додека таа се потпишува, Ријана ѝ го зема микрофонот и најавува дека Мараја Кери ѝ дава автограм на градата, по што почнуваат да се слушаат извици од публиката.

На крај пејачките се прегрнуваат, а Ријана ѝ вели на колешката дека ја сака.

На социјалните мрежи, фановите на пејачките го коментираат моментот и истакнуваат дека ја разбираат радоста на Ријана.

„Има иста енергија како женски тоалет во дискотека“.

„Девојки кои се поддржуваат една со друга!“

„Имаат ’женски момент‘ и сите ги слушаат“.

„Ријана е огромен фан и како да заборава дека е Ријана“.

„Кралици, ги сакам и двете“.

Погледнете го видеото:

Според останатите видеа од концертот, јасно е дека Ријана си поминала одлично:

Спирова С. | Црнобело