Џон Кразински е најсекси маж за 2024-та: „Мислев дека ме снимаат за скриена камера кога ми кажаа“

Детали

среда, 13 ноември 2024

„Ми се стемни. Мислев дека ме снимаат за скриена камера“ - Со овие зборови актерот Џон Кразински, познат по улогата во „Office“ ја опиша својата реакција во моментот кога му кажале дека ја добил наградата за најсекси маж за 2024-та година. Што знаеме за него?

Актерот Џон Кразински кој се прослави со улогата во серијата The Office е прогласен за најсекси маж за 2024-та година според магазинот People.

Вестите беа соопштени за време на емисијата The Late Show with Stephen Colbert, а актерот во интервју за People вели дека кога слушнал за титулата што му е доделена, воопшто не му се верувало.

„Прво ми се стемни, целосно.

Не размислував за ништо, освен дека некој ме снима за скриена камера.

Вообичаено не се будам со помислата: ’Дали денес некој ќе ме праша дали сакам да бидам најсекси маж на годината?‘.

Но, ете и тоа ми се случи.

Навистина, ми поставивте многу високи критериуми“ – рече тој.

Кразински е во брак со актерката Емили Блант, која, пак, кога слушнала за титулата што тој ја добил, рекла дека ќе го излепи целиот ѕид со неговата насловна фотографија на People.

Џон за себе вели дека е обичен човек кој најмногу ужива во улогата на сопруг и татко. Во слободното време, тој обожава да гледа документарни филмови и серии на Нетфликс, или да им чита приказни пред спиење на децата.

Џон и Емили се во брак 14 години. Тие се родители на ќерките Хејзел (10) и Вајолет (8), а важат за еден од најскладните парови во Холивуд, на чија љубов многумина им завидуваат.

За оние што не знаат, Џон се прослави со улогата на „чудниот“ Џим Халперт во комичната серија The Office, која ја играше 9 години.

Во 2018-та година, заедно со сопругата Емили, го напишаа, режираа и играа во трилерот насловен A Quiet Place.

Годинава тој го напиша, продуцираше и играше во филмот IF, со што стана еден од најдобрите филмски продуценти во Холивуд.

Сепак, признава дека не бил лесен патот до тоа да успее себеси да се прикаже како сериозен продуцент и режисер, па дури 54 пати бил одбиен од студиото за трилерот што го направи со сопругата, пред да биде прифатен.

Самиот се шегува и вели дека некој дури и прашал:

„Извинете, дали сте сигурни дека Џим од The Office ќе го режира ова?“

Инаку, магазинот People секоја година ја доделува наградата за најсекси маж, а минатата година многумина беа изненадени кога таа титула му припадна на актерот Патрик Демпси.

Прочитајте и Патрик Демпси е најсекси маж за 2023-та: Се венчал со пријателка на мајка му, ги малтретирал колегите од Grey’s Anatomy

Б. С. Б. | Црнобело