Анџелина Џоли како грчка божица на настан со ќерка ѝ Вивиен – добија награда за мјузиклот на кој соработуваа (фото)

Детали

понеделник, 17 јуни 2024

Со елегантниот долг фустан што го носеше на доделувањето на Тони наградите, многумина ја споредуваат Џоли со грчка божица, додека ќерка ѝ Вивиен, која неодамна се откажа од презимето на Бред, сè повеќе личи на познатата актерка.

Периодов, верна придружничка на Анџелина Џоли на важни настани е нејзината ќерка Вивиен.

Откако и Вивиен се откажа од презимето на татко ѝ Бред Пит, таа ја придржуваше мајка ѝ на премиера, а сега се појави со Џоли и на доделувањето на Тони наградите.

Џоли и нејзиниот тим дефинитивно беа најголемите победници на 77-то доделување на Тони наградите и нејзиниот мјузикл The Outsiders доби дури 12 номинации, а освои четири статуетки.

Анџелина е продуцент на мјузиклот, а во продукцијата беше вклучена и Вивиен како нејзина асистентка.

49-годишната актерка носеше елегантен фустан во пастелно зелена боја, додека ќерка ѝ Вивиен се појави со костим и бела кошула, а комбинацијата ја дополнила со старки.

Многумина ја споредуваат актерката со грчка божица, додека за ќерка ѝ велат дека сè повеќе личи на неа.

На настанот присуствуваа и други познати актери, а меѓу оние кои добија награди се Даниел Редклиф и Сара Полсон.

Повеќе фотки од настанот во продолжение:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

Спирова С. | Црнобело