Победникот го скрши трофејот, зелената соба на нозе заради Хрватска – Највпечатливите мигови на Евровизија 2024

Детали

недела, 12 мај 2024

Холандија беше дисквалификувана, но нивните гласови важеа. Сите во зелената соба скокаа и танцуваа додека Хрватот Бејби Лазања настапуваше на сцената. Кои беа највпечатливите мигови што се споделуваат на социјалните мрежи од Евровизија 2024?

Синоќа (11.05) во Малме, Шведска се одржа финалната вечер од Евровизија 2024.

Победник е швајцарскиот претставник Немо, кој настапи со песната The Code, а хрватскиот претставник Бејби Лазања успеа да собере огромен број гласови од публиката и од жиријата, но заврши на второто место.

Победникот на Евровизија, Немо со пресечен палец откако го скрши трофејот на сцената

На сцената настапија вкупно 25 земји, кои имаа можност по вторпат пред публиката да ги изведат своите нумери, а настанот беше проследен со голем број интересни, но и скандалозни мигови, како за гледачите пред малите екрани, така и за публиката што беше присутна во Малме.

Бејби Лазања од Хрватска

Шарени костими, по малку скандалозни настапи, возбудливи мигови додека траеше гласањето.

Аватарите на ABBA на сцената на Евровизија

Синоќешното шоу беше мошне возбудливо за сите евровизиски фанови, но и за оние што пред малите екрани грицкаа нокти и очекуваа да видат како ќе се пласира нивниот фаворит.

Претставничката на Израел, Иден Голан

Во продолжение некои од најинтересните мигови:

Најинтересен миг беше можеби оној кога победникот Немо, само неколку мигови откако го доби евровизискиот трофеј успеа да го скрши, a и да си го исече палецот.

„Го скршив кодот и си го скршив трофејот. Можеби трофејот може да се поправи, а можеби и на Евровизија ѝ требаат поправки“ – рече Швајцарецот во прес-конференцијата по победата.

NEMO BROKE THE TROPHY HELPPP (fun fact my classmate's dad helped create this year's trophy) #Eurovision2024 #Eurovision pic.twitter.com/R1pqYxAib5

— sk rebecka⁸¹ 🐇 (@soloveysolitude) May 11, 2024

“i broke the code and i broke the trophy- maybe eurovision needs a little bit of fixing too every now and then” oh the love i have for u nemo pic.twitter.com/AIBOh9rhpI

— aada🔺 (@luckyclosure) May 11, 2024

Хрватскиот претставник Бејби Лазања го освои високото второ место, а освен што ги разигра сите присутни во публиката и цела Европа која го следеше пред малите екрани, забележително е и дека тој бил омилен и меѓу претставниците кои настапуваа.

На Твитер е споделено видео на кое се гледа како сите во зелената соба танцуваат и скокаат за време на неговиот настап.

Seeing this video… my heart breaks even harder 💔😭😭😭#Eurovision2024

pic.twitter.com/PXNvSvmELK

— Ocean 🌊 (@oceaniitobackup) May 12, 2024

Продолжува на следната страница...