Ја исмејуваа бидејќи не знаеше да танцува, работела како келнерка – Тешкиот пат до славата на Дуа Липа

Детали

сабота, 11 мај 2024

Си заминала од Косово бидејќи сакала да стане пејачка, но по првата издадена песна, почнале да ја исмејуваат за нејзиното танцување – Како Дуа Липа успеа да стане една од најпознатите пејачки во светот?

Денес Дуа Липа е едно најпознатите имиња на светската музичка сцена.

Пејачката може да се пофали со бројни награди, вклучувајќи и три Греми, како и богатство од над 30 милиони долари.

Се дружи со ѕвезди како Донатела Версаче и Џиџи Хадид, а целиот успех го постигна уште пред да наполни 30 години.

Но, патот до славата на младата пејачка не бил воопшто лесен.

Неколку факти за животот на Дуа Липа:

Младата пејачка е родена на 22-ри август 1995-та.

Нејзините родители потекнуваат од Косово и Албанија, додека пејачката е родена во Лондон.

Дел од детството поминала во главниот град на Англија, а на 11-годишна возраст се преселила во Косово.

На некој начин, музичката кариера ја почнала на 14-годишна возраст со објавување кавер видеа на Јутјуб.

Дуа сонувала да стане пејачка, па на 15-годишна возраст почнала да ги моли родителите да ѝ дозволат да се врати во Англија.

„Сакав да се занимавам со музика. Колку и да ми се допаѓаше животот во Косово, искуството беше многу различно.

Живеев во Лондон со цимерка и моите родители ги знаеја нејзините родители.

Мајка ми и татко ми имаа огромна доверба во мене, па пробав да бидам што е можно подобра“, има изјавено пејачката.

Пред да се прослави, Дуа работела сè и сешто низ Лондон – била келнерка, а еден период пречекувала и гости пред ноќен клуб.

Набрзо успеала да потпише договор со Warner Music Group и го издала нејзиниот прв сингл.

Продолжува на следната страница...