„Ме остави за пејачка откако му родив дете“: Бившата на дечкото на Аријана Гранде емотивна за болниот развод

Детали

петок, 20 декември 2024

„Не мислев дека некогаш ќе се разведам. Особено не откако го родив моето прво дете и во сенката на новата врска на мојот сопруг со славна личност“, вели Лили Џеј, жената на која Аријана Гранде ѝ го „украде“ сопругот.

Аријана Гранде го запозна дечко ѝ Итан Слејтер за време на снимањето на филмот Wicked.

Тогаш и таа и Итан беа во брак, но сепак почнаа афера и, на крај, ги оставија своите сопружници.

Бидејќи дечко ѝ Итан беше во брак повеќе од една деценија и има дете со бившата, Аријана се соочи со критики и беше нарекувана „уништувач на семејства“.

Сепак, ова не беше пречка за Итан и Аријана јавно да ја покажуваат нивната љубов.

Сега, пак, се огласи и бившата сопруга на Итан која напиша емотивен есеј за магазинот The Cut.

Таа вели дека постојано мора да ги гледа Итан и Аријана кои периодов се сеприсутни поради промовирањето на филмот Wicked.

„За мене, деновите што ги минувам со син ми се сончеви.

Но, деновите кога не можам да ја избегнам промоцијата на филмот кој е поврзан со најтажниот период од мојот живот се многу помрачни“, пишува Лили Џеј.

„Мајчинството, како што сфатив, ми го пополнува времето, но не и умот.

Во безбројните часови што ги поминав во нишкање на син ми, буткање на неговата количка, посветено се обидувам да го прифатам јавното пропаѓање на мојот брак.

Постојано си повторувам дека не треба да се срамам од ова и дека немам што да кријам.

Никој не стапува во брак со помислата дека ќе се разведе… Ни јас не мислев дека ќе се разведам.

Особено не откако го родив првото дете и во сенка на новата врска на мојот сопруг со славна личност“.

Лили Џеј, која работи како клинички психолог, вели дека во целата ситуација со болниот развод, најмногу ѝ фали нејзината анонимност.

„Има луѓе кои сум ги знаела порано и кои ми се јавуваат да ми кажат дека ме виделе во некој медиум.

Но, моите пациенти молчат“.

Во периодот кога се чувствувала најлошо, откако Итан ја оставил, Лили вели дека имала постпородилна депресија и се плашела дека ќе си ја уништи кариерата, а со тоа и животот.

А, тоа што разводот се случува пред очите на јавноста, веќе имало влијание врз нејзината професија.

„Не можам со сигурност да кажам колку настрадала мојата кариера поради она што се пишува за мене.

Но, има некои знаци, како понудата за работа што беше повлечена без објаснување и пациентот кој закажа преглед, но потоа исчезна“.

Сепак, таа додава дека поранешниот сопруг е добар татко.

„И двајцата безусловно го сакаме нашиот син, без разлика како ќе си го поделиме времето со него…

Постепено почнав да верувам дека животот што го планирав со мојата љубов од средно, ќе се претвори во сладок живот со моето дете“.

Понатаму, Лили пишува дека одлучила да зборува јавно бидејќи се помирила со фактот дека веќе не е анонимна личност.

Лили открива и дека имала прееклампсија во текот на бременоста, а веднаш по породувањето се согласила со Итан да се преселат во друга држава, само за да му даде поддршка во кариерата.

Инаку, Итан и Лили ја почнале врската додека биле во средно. Се венчале пред пет години, а се разделија минатата година, откако се дозна дека тој имал афера со Аријана.

Итан поднесе барање за развод во јули 2023, а нивниот развод беше финализиран во септември годинава.

Прочитајте и: Аријана Гранде со месеци го изневерувала сопругот, а тој не сака развод - Кој е Итан Слејтер, новиот дечко на пејачката?

Спирова С. | Црнобело