Најсмешните мемиња за Мет гала 2024 + симболиката зад креациите на ѕвездите кои не ја промашија темата

Детали

вторник, 07 мај 2024

Кои ѕвезди ја погодија темата „Градина на времето“ и ги прикажаа минливоста и кревкоста на модата со нивните креации? А, како јавноста реагираше на целиот настан преку забавните твитови?

Синоќа (06.05) се одржа овогодишната Мет гала – можеби најпрестижниот настан од светот на модата чија цел е да се соберат пари за Институтот за костими на музејот Метрополитен.

Настанот го организира добро познатата Ана Винтур, а секоја година свеченоста има различна тема.

Со настанот се одбележува и отворањето на годишната изложба на Институтот за костими.

Годинава изложбата е насловена „Заспани убавици: Будење на модата“. До септември, во Метрополитен ќе бидат изложени околу 250 костими од колекцијата на музејот кои се премногу кревки и кршливи за некој да ги облече.

Односно, никој не смее ни да ги допре бидејќи можат да се оштетат. Дел од овие креации се инспирирани од природата и се изработени од природни материјали. Оттаму и името „Заспани убавици“.

Целта на изложбата е да се прикаже кревкоста на модата, но и да „се вратат во живот“ креации кои денес можат да бидат само експонати во музеј.

Темата на Мет галата инспирирана од изложбата има друго име – „Градина на времето“.

Идејата зад темата е слична со изложбата – треба да се прикаже минливата убавина на модата.

Нормално, секоја позната личност различно ја интерпретира темата, но генерално нивните креации би требало да вклучуваат детали инспирирани од природата, како цветови и птици, но и можат да бидат инспирирани од стари креации и модни трендови.

Како и секоја година, некои познати личности ја промашиле темата, но некои се инспирирале во вистинска насока.

Значењето на дел од креациите на ѕвездите кои не ја промашија темата:

Ана Винтур

Цветовите доминираа на Мет галата бидејќи се можеби најдобар симбол за „минлива убавина“.

А, цветови одбрала и организаторката на настанот, Ана Винтур, чија креација е инспирирана од наметка од 1889-та која е дел од изложбата во музејот.

Ема Чемберлен

Фустанот на Ема е креација на Jean Paul Gaultier, а поради бојата изгледа како да е излезен од некоја стара фотографија.

Односно, фустанот личи како да е креација стара и неколку векови, што се вклопува со темата „Градина на времето“.

Bad Bunny

Bad Bunny се појави во костим кој изгледа како да не е довршен, што повторно се вклопува со минувањето на времето.

Според Vogue, цветот со кој е украсен костимот е всушност цветот со кој заспаната убавица си го боцка прстот во оригиналната бајка.

Зендеја

Младата актерка носеше фустан инспириран од креација на Dior од 1999 година.

Фустанот е украсен со детали инспирирани од природата, како листови, додека нејзините обетки се во форма на птици.

Истовремено, Зендеја имаше шминка инспирирана од минатото.

Тајла

Фустанот на Тајла е еден од фаворитите за годинава бидејќи можеби најдобро ја прикажува минливата убавина на модата.

Нејзиниот фустан е направен од песок.

Рита Ора

Фустанот на Рита Ора е украсен со монисти кои имаат историска вредност, бидејќи датираат од првиот и вториот век пред нашата ера.

Ел Фенинг

Фустанот на убавата актерка наликува на стакло, што одлично ја доловува кревкоста на модата.

Истовремено, има и детали во форма на птици.

На следната страница, најсмешните мемиња за настанот...