Ќерките на Бред Пит, трансродовата ќерка на Илон Маск – Деца кои се откажаа од презимето на славните родители

Детали

сабота, 06 јули 2024

Три од шесте деца на Бред Пит и Анџелина Џоли се откажаа од презимето на татко им, и тоа речиси веднаш откако наполнија 18 години. Но, кои други деца на славните се откажаа од презимето на родителите?

Изминативе година-две, децата на некои од најпознатите личности на планетата решија да се откажат од презимето на славните родители.

А, ова не е ништо ново во светот на шоу-бизнисот.

Некои поради влошен однос, а некои бидејќи не сакаат да бидат поврзувани со славното семејство, има бројни деца на ѕвезди кои се откажуваат од презимето на родителите.

Дел од нив во продолжение:

Сури Круз сега е Сури Ноел

Ќерката на Кејти Холмс и Том Круз како едвај да го чекаше 18-тиот роденден за да се ослободи од презимето на татко ѝ.

Сега таа го носи презимето Ноел.

Нејзините родители се разведоа во 2012 година, а Сури нема никаков контакт со татко ѝ со години.

Шајло го тргна презимето Пит

Слично како Сури, и Шајло го промени презимето веднаш откако наполни 18 години.

Наводно, младата девојка самата ги покрила трошоците за промената и наместо Џоли Пит, сега го носи само презимето на мајка ѝ - Џоли.

И Захара го тргне презимето Пит

Најстарата ќерка на Анџелина и Бред го промени презимето кон крајот на 2023 година.

Како нејзините браќа и сестри, и таа ги носеше презимињата на двајцата актери, но сега официјалното име ѝ е Захара Марли Џоли.

И Вивиен го тргна презимето Пит

Вкупно три од шесте деца на Џоли и Пит се откажа од презимето на татко им.

Како сестра ѝ Шајло, и Вивиен годинава го промени презимето во Џоли.

Продолжува на следната страница...