Како Сури Круз ја возвиши мајка ѝ и му зададе удар на славниот татко?

Детали

четврток, 27 јуни 2024

Сури го избриша презимето на татко ѝ Том Круз и зеде презиме со кое ја возвишува својата славна мајка. Како најславното девојче во Холивуд му го зададе последниот удар на татко ѝ, кој 10 години не сака да ја види?

Познато е дека ќерката на Том Круз и Кејти Холмс, Сури, е мошне блиска со нејзината мајка, а татко ѝ не го видела со години, па откако стана полнолетна таа донесе важна одлука за нејзината иднина.

Светот со нетрпение исчекуваше во изминатите месеци за да види што ќе се случи откако Сури Круз ќе стане полнолетна, но јасно е дека девојката јасно покажа на чија страна застанува и целосно му го сврте грбот на својот славен татко.

Откако наполни 18 години и пред да замине на колеџ, Сури донесе важна одлука да го избрише славното презиме на нејзиниот татко и на суптилен начин ѝ оддаде чест на мајка си за сè што направила за неа во изминатите години.

Како што пренесуваат светските таблоиди, Сури веќе нема да се презива Круз, туку Ноел, а за свое презиме го избрала средното име на мајка ѝ, Кејти Холмс.

Многу е веројатно Сури со овој потег да се обидува да се дистанцира од презимињата на нејзините родители, затоа што сака да замине на колеџ оддалечена од сите притисоци што со години наназад ги трпеше заради нивната слава.

„Таа ја возвишува мајка ѝ така што го користи нејзиното средно име, а гласините се дека Сури сака да има сопствен идентитет додека започнува ново поглавје во животот на колеџ“ – пишува PageSix повикувајќи се на сопствени извори.

Инаку, околу 10 години Том Круз воопшто не се појавил во јавност со ќерка му, а според изворите блиски до актерот, тој воопшто не бил вклучен во нејзиниот живот.

Како причина за таквата одлука на актерот, најчесто се наведува неговата поврзаност со скиентолошката црква и тоа што таа не му дозволува контакт со личностите кои ѝ го свртеле грбот на религијата, како што тоа го направи Кејти Холмс во моментот кога одлучи да се разведе од Том.

За потсетување, Сури неодамна беше матурантка, а на матурата се појави со партнер, кој според многумина наликуваше на нејзиниот славен татко.

Прочитајте и Се избори за ќерката да биде скромна девојка, 12 години ѝ беше и мајка и татко – Како Кејти Холмс докажа дека е родител за пример?

Б. С. Б. | Црнобело