Ќерката на Брус Вилис, Талула откри дека на 30 години ѝ дијагностицирале аутизам: „Ми се промени животот“
- Детали
- вторник, 19 март 2024
Пред 2 години тврдеше дека била искористувана од личноста која се грижела за неа на 18 години, а сега откри дека доцна во животот добила дијагноза за аутизам. Ќерката на Брус Вилис искрена за својата здравствена состојба вели: „Дијагнозата ми го промени животот“.
Најмалата ќерка на Брус Вилис од бракот со Деми Мур, Талула Вилис (30) сподели со јавноста дека на 30 години ѝ бил дијагностициран аутизам.
На својот Инстаграм профил, таа сподели видео на кое е со татко ѝ на црвениот тепих и на кое постојано го допира за главата и за увото додека тој дава изјава и ја држи во рацете, а во еден миг само ја погледнува и таа се смирува.
„Кажи ми дека имаш аутизам, без да ми кажеш дека имам аутизам“ – напиша таа до видеото и се пошегува на сопствена сметка.
Инаку видеото е снимено во 2004-та година, кога Талула имала околу 10 години.
Во коментарите еден од нејзините следбеници ја пофали нејзината храброст отворено да зборува за својата состојба и ја праша дали дијагнозата ја добила како дете, на што Талула одговори:
„Всушност ова е првпат јавно да ја споделам мојата дијагноза. Ја добив ова лето и целосно ми се промени животот“ – напиша таа.
Аутизмот се дефинира како широк спектар на состојби што се карактеризираат со предизвици поврзани со вештините за комуникација, како повторливи движења, говор и невербална комуникација.
Се верува дека аутизмот може да биде дијагностициран на возраст од 2 до 3 години, но честопати може да се случи симптомите да поминат незабележано затоа што педијатрите сакаат да му дадат повеќе време на пациентот да се развие, пред да ја дадат дијагнозата.
Инаку, Талула во минатото откри дека била злоупотребена физички и емотивно од личноста што требала да се грижи за неа кога била на возраст од 18 до 20 години.
Таа појасни дека била манипулирана да живее заедно со личноста која ја изолирала од надворешниот свет, ѝ го променила телефонскиот број и ја преземала одговорноста за нејзиниот мејл, па ги криела мејловите од неа.
„Постоеше една личност во мојот живот, која ја запознав уште кога бев во основно училиште, за која сметав дека е тука за да се грижи за мене.
На 18 години го одложив започнувањето на студиите и тогаш оваа личност, што сега ми е јасно дека била социопат, ме натера да почнам да живеам со неа. Без да се побунам (затоа што не знаев дека можам), прифатив.“ – раскажа таа.
Оваа злоупотреба траела две години, а уште тогаш Талула навести дека имала проблеми со менталното здравје.
„Не можам да сфатам како некој може тоа да му го направи на дете, кое веќе трпело премногу болка, кое само сакало љубов, безбедност и простор за да се залечи, а некој можел да го гледа како средство за да си ги оствари целите.
Манипулираше со моите проблеми со менталното здравје за да си обезбеди сигурна работа и кредитна картичка без лимит“ – рече таа.
За потсетување, Талула е најмала од трите ќерки што Брус Вилис ги доби од бракот со Деми Мур. По разводот на нејзините родители, таа живееше со мајка ѝ и нејзиниот втор сопруг Ештон Кучер.
Прочитајте и Тој сакал да ја претвори во домаќинка, таа за инает прифаќала улоги – Зошто се развеле Брус Вилис и Деми Мур?
Б. С. Б. | Црнобело
Би можело да ве интересира:
Препорачуваме
Најчитани неделава
