Имаше проблеми со алкохолизам, доживеа мозочен удар: Каде е денес актерот од „Сам дома 2“?

Детали

недела, 14 јануари 2024

За релативно помладата публика, Тим Кари е најпознат по улогата во Home Alone 2. Од 2012-та, актерот е во инвалидска количка, но не се откажува од глумата и го позајмува гласот за анимирани филмови.

Многумина го препознаваат Тим Кари како мажот кој работи во хотелот во култниот Home Alone 2.

Но, актерот има богата кариера. Тој го глуми морничавиот кловн во филмот It од 1990-та, ја има главната улога во забавниот Clue, а можеби најпрепознатлив е по улогата во The Rocky Horror Picture Show.

Денес Тим Кари е во инвалидска количка и повеќе не се појавува во филмови, но уште работи во филмската индустрија и најчесто го позајмува својот глас.

Во продолжение, неколку факти за него:

Пеел во црковен хор

Таткото на актерот бил свештеник, па токму во неговата црква, тој го открил неговиот талент за пеење и пеел во црковниот хор.

Потоа почнал да се појавува во училишни драми и сфатил дека сака да стане актер.

Се преселил во Бирмингем и се запишал на училиште за глума

Бил слаб ученик

Иако актерот несомнено бил талентиран, не бил многу заинтересиран за учење, па честопати не одел на предавања.

Сепак, во меѓувреме, наоѓал работа како актер, што значи работел и на својата кариера.

Лажел за да ја добие првата голема улога

Кога завршил факултет, актерот сакал да почне да глуми во професионален театар. Но, бидејќи немал доволно искуство, решил да лаже.

Во 1968-ма актерот се пријавил на аудиција за мјузиклот Hair. За мјузиклот се барале само актери со искуство, па актерот излажал дека го има.

И, ја добил улогата.

На крај се дознало дека лажел, но сите биле толку импресионирани од неговата аудиција што му ја оставиле улогата.

Стана ѕвезда со улогата во The Rocky Horror Picture Show

Тим Кари ја има главната улога во мјузиклот и хорор The Rocky Horror Picture Show кој се смета за култен во САД.

Тој глуми трансвестит и носи женска долна облека додека танцува и пее. И, иако филмот е снимен во далечната 1975-та кога неговиот лик би бил оценет како многу контроверзен, никој не останал рамнодушен на неговата изведба.

Оттогаш почнал да добива и други улоги, како во филмот It каде што го глуми морничавиот кловн Пенивајз.

Имал проблеми со алкохолизам

Пред The Rocky Horror Show да биде прифатен од публиката, сепак бил соочен со критики.

Актерот го сфатил ова премногу лично, па почнал да пие.

Самиот има откриено дека цел месец, секоја вечер ја поминувал со шише водка обидувајќи се да ја намали болката од лошите критики.

За среќа, брзо се извлекол од порокот и го надминал тешкиот период.

Се појави и во Home Alone 2

За релативно помладата публика, Тим Кари е најпознат по улогата во Home Alone 2.

И, овде навистина одлично го доловува ликот.

Дури и оние кои никогаш немале слушнато за него, се восхитени од неговата изведба.

Во 2012-та имаше мозочен удар

Во јули 2012 година, актерот доживеа мозочен удар. Иако, за среќа, го преживеа, се соочи со проблеми со говорот и движењето.

Речиси цела година јавноста воопшто не знаеше што се случува со актерот, бидејќи неговото семејство умешно ја криеше неговата состојба.

Денес актерот користи инвалидска количка и не може да се движи.

Повеќе не се појавува во филмови, но не се откажува од филмската кариера.

Напротив, сега најчесто го позајмува својот глас за анимирани филмови и слично.

Спирова С. | Црнобело