Вирално видео: Мадона (65) „уловена“ на аеродром како ги крие под качулка набраните раце и лицето

Детали

четврток, 05 октомври 2023

Мадона станува креативна додека се обидува да ги скрие дланките со набрана кожа од папараци фотографите и фановите. Последната снимка од аеродромот во Њујорк, брзо се прошири на социјалните мрежи. Погледнете како се снајде овојпат поп кралицата...

Поп кралицата Мадона (65), во изминатиот период честопати е мета на критики затоа што користи премногу филтри на фотките на Инстаграм, се труди да изгледа помладо отколку што е и не сака да прифати дека е веќе во седмата деценија од животот.

https://www.instagram.com/madonna/?hl=en&img_index=1

Така, помалку комично изгледаат нејзините видеа на кои се гледа како во јавност се обидува да скрие дека остарела, па наоѓа креативни начини како да ги прикрие недостатоците и да не покаже како навистина изгледа.

Во вторникот (03.10) пејачката беше снимена на аеродромот во Њујорк пред да полета за Лондон, 10 дена пред да ја започне нејзината 78-дневна турнеја.

Мадона, на патување тргна без грам шминка, но во моментот кога ја пречекаа папараците и фановите кои чекаа за автограм на аеродормот, таа повторно се „најде во небрано“.

Лицето го покри со огромни очила и јакна со качулка, но во мигот кога сфати дека во прв план се нејзините раце со набрана кожа, одлучи да ги скрие и нив, така што ги пикна под качулката.

Инаку, ова не е првпат таа да се обиде креативно да ги скрие дланките од фотоапаратите. Точно пред една година, беше снимена како нервозно ги пика рацете во џебовите за да не се види нивната набрана кожа.

Претходно, додека беше на вечера со синот Роко, Мадона беше фотографирана од папараци и на тие фотографии нејзините дланки изгледаа мошне остарено.

Оттогаш, па наваму, пејачката се труди да ги сокрие лицето и дланките под огромни дуксери и јакни.

Погледнете го последното видео:

Б. С. Б. | Црнобело