Џоли му купила водопад на Бред Пит: Најскапите и најлудите божиќни подароци на славните

Детали

вторник, 07 јануари 2025

Бидејќи Бред Пит отсекогаш сакал куќа покрај водопад, додека беа заедно, Џоли за Божиќ го изненадила со земјиште со водопад каде што можел да си го изгради домот од соништата.

Купувањето подароци за Божиќ и Нова година веќе е традиција и кај нас.

Но, додека ние ја одбележуваме сезоната со нешто симболично и релативно скромно, славните и богатите знаат да одат до екстреми.

Некогаш купуваат или добиваат бизарни подароци, а некогаш станува збор за подароци кои чинат цело богатство.

Дел од најчудните и најскапите празнични подароци на славните:

Лејди Гага доби коњ од нејзината издавачка куќа

Во 2015 година, Лејди Гага откри дека од нејзината издавачка куќа ја изненадиле со бел коњ кој ѝ го доставиле до домот.

„Денес пред мојот дом беше доставен бел ангел од небото.

Ќе го јавам, ќе се грижам за него и ќе го сакам за секогаш. Навистина ме изненадија“, напиша пејачката во објавата.

Ријана доби чудно и скапо уметничко дело

Во 2014 година, Ријана доби необично уметничко дело од нејзиниот креативен директор.

Станува збор за скулптура направена од гумен делфин и гума за бањање направена од познат артист.

Не е позната точната сума што била потрошена за подарокот, но скулптурите од оваа серија на артистот се продавале по цена до 15.000 долари.

Ник Канон ѝ купи Rolls Royce на Мараја Кери

Додека беа заедно, Ник Канон ѝ купи Rolls-Royce Phantom на Мараја Кери, кој се проценува на скоро половина милион долари.

Тој период Мараја беше бремена со нивните близнаци Монро и Морокан.

Анџелина Џоли му купи водопад на Бред Пит

Во 2012-та, додека уште беа заедно, Анџелина Џоли го изненади Бред Пит со огромно земјиште каде што можел да си ја изгради куќата од соништата.

Во склоп на земјиштето во Калифорнија, имало и водопад.

„Анџелина сакаше да му купи нешто посебно и знаеше дека ова ќе биде совршено.

Бред отсекогаш сонувал за куќа покрај водопад“, изјави тогаш извор близок до парот.

Продолжува на следната страница...