На зависници - дајте им хероин

Лечењето на зависниците од хероин - со хероин, можеби звучи контрадикторно, но за “најзаглавените“ тоа е можеби единствено решение. Во одредени...

 

...клиники за одвикнување од користењето на хероин се користи овој метод, затоа што останатите се покажале неуспешни.

Велика Британија е една од земјите кои го користат овој метод по пример на Швајцарија.

Во Велика Британија неодамна е завршено 4-годишно истражување во кое на долгогодишните зависници секојдневно им била вбризгувана одредена доза на хероин како дел од програмата за одвикнување.

Резултатите биле успешни. Испитанииците биле помалку подложни на криминал и земање дрога на улица.

Џон Стренг, еден од истражувачите, вели дека тоа секако не е најдобар начин за одвикнување, но во моментов е единсвен кој може да им помогне на зависниците.

“Некои постигнуваат целосно откажување, а други се одвикнуваат од лошите навики полека“ - вели Стренг.

Велика Британија сигурно ќе има полесен пат до институционализирање на хероинските клиники, бидејќи хероинот веќе се наоѓа на пописот како средство кое се користи за медицински цели.