„Девојките на Марко“, „Двојната Лота“ - Книжевни евергрини од основно образование кои будат непроценливи сеќавања

Книгата претставува магија која ги отвора прозорците кон еден нов, сестран свет.

Таа е будител на имагинацијата, а во исто време разработува вештини, особено потребни за развојот во најраната возраст.

Еволуцијата влијае низ различни аспекти од нашите животи, па не е ни чудно што многу нешта „некогаш и  денес“ – изгледаат сосема различно.

Сепак, книгата никогаш не ја губи својата вредност така што постои „палета“ на лектири позната за многубројни генерации.

И најголемиот противник на читањето лектири знае кој е „Зоки Поки“ и љубопитно се „насладувал“ во „Шеќерната приказна“ на Славко Јаневски.

Секако, низ годините оваа таканаречена „палета“ претрпувала и сѐ уште претрпува промени.

Во продолжение за вас издвоивме дел од најголемите книжевни евергрини од основно образование:

Кои сте ги прочитале?!

- „Зоки Поки“ – Оливера Николова

- „Касни-порасни“ – Петре. М. Андреевски

- „Шеќерна приказна“ – Славко Јаневски

- „Доктор Офболи“ – Корнеј Чуковски

- „Итар Пејо“ – Стале Попов

- „Орхан“ – Неџати Зекирија

- „Сон на тркала“ – Стојан Тарапуза

- „Ѕвездени перничиња“ – Славка Манева

- „Белото циганче“ – Видое Подгорец

- „Големи и мали“ – Бошко Смаќоски

- „Хајди“ – Јохана Шпири

- „Двојната Лота“ – Ерих Кестнер

- „Децата од Павловата улица“ – Ференц Молнар

- „20.000 милји под морето“ – Жил Верн

- „Девојките на Марко“ – Оливера Николова

- „Две Марии“ – Славко Јаневски

- „Малиот принц“ – Антоан де Егзипери

- „Старецот и морето“ – Ернест Хемингвеј

- „Чорбаџи Теодос“ – Васил Иљоски

- „Бели мугри“ – Кочо Рацин

Која беше вашата омилена лектира и која би ја додале на нашата листа?!

Мила М. | Црнобело