Нова книга на Донато Каризи и уште 2 мајсторски трилери кои ќе ве остават со подзината уста

Италијанскиот мајстор на психолошкиот трилер создаде уште едно ремек-дело за уживање во овој специфичен жанр. Покрај неговата нова книга, ви нудиме уште 2 предлози кои ќе ве остават со подзината уста, гладни за уште некоја страница повеќе:

Куќата на гласовите – Донато Каризи

Пјетро е најдобриот во цела Фиренца, каде е познат како „заспивачот на деца“. Специјалист е за хипноза, а децата честопати поседуваат важни информации, закопани длабоко во нивната меморија, детали што полицијата и судиите можат да ги искористат во истрагите.

Но, при повик од другата страна на светот, од колешка од Австралија која му препорачува пациент, Пјетро реагира збунето и со недоверба. Хана хол не е дете, туку возрасна личност.

Таа е прогонувана од сеќавање од детството, кое можеби не е реално. За да се открие дали тој фрагмент од сеќавањето е вистинит или илузија, Гербер мора да ѝ помогне да го изнесе на виделина девојчето кое сè уште е во неа.

Избриши ги солзите – Линда Хауард

Водена од опсесијата да ги пополнува празнините во туѓите животи, Мила Еџ има неверојатна страст, инстинкт и дарба за пронаоѓање исчезнати деца. Кога сè друго изгледа изгубено и беспомошно, очајни души од сите страни на светот доаѓаат кај неа за надеж и помош. 

Со работата, Мила се бори да побегне од бруталните емоции кои ја јадат однатре затоа што има само едно дете кое не може да го пронајде со години… а тоа е нејзиното дете.

Кога добива дојава за синџир за трговија со бебиња во мало село во Мексико, Мила тргнува да истражува без двоумење.

Клучен човек во организацијата е маж со едно око, кој Мила патем добро го помни од минатото. Очајна да го најде, Мила се здружува со Џејмс Дијаз; сомнителен странец кој делува подеднакво опасно како и луѓето кои ги бараат.

Американски психопат – Брет Истон Елис

Американски психопат е роман кој дава шокантна слика, еден вид декларација на модерното општество. Патрик Бејтман е богат, убав, високообразован и интелигентен млад човек кој работи на Вол Стрит. Бејтман ги поминува утрата во вежбалница, а ноќите во клубовите на Менхетен. Сите веруваат дека Бејтман е срамежливото фино момче.

Она што неговите пријатели не го знаат е дека Бејтман е психопат убиец на чии дела може да им позавиди и Маркиз де Сад. Иако постојано се исповеда за извршените злодела, никој не му верува. Никој не сака да поверува дека пристојното фино момче може некого да повреди и затоа одбираат да ги игнорираат неговите исповеди.

(О)Милена | Црнобело