Предлог книги кои ќе ги прераскажувате со години

Сите книги се различни. Сите книги се приказна за себе. Некои од нив ги забораваме истиот момент кога ќе ја свртиме последната страница, други пак, оставаат долготраен впечаток врежан во нашата долготрајна меморија.

Вторите книги знаат да нè остават со „тешка главоболка“, во длабоки мисли и исполнети со емоции.

10 новели кои ќе ви го зграбат срцето и ќе ви остават долготраен впечаток:

1. „Прекрасни коски“ - Алис Себолд

Сузи е 14-годишно девојче убиено од сериски убиец, заробено помеѓу два света и принудено да гледа како нејзиното семејство и пријателите се менуваат после нејзината смрт. Очајно се обидува да се врати во светот на живите и да им помогне на најблиските да откријат кој е убиецот.

2. „Тринаесеттата приказна“ - Дајан Сетерфилд

Маргарет Леа добива писмо од познат писател, Вида Винтер, која сака да ја напише нејзината биографија. Иако многумина досега посакале да ја интервјуираат Винтер и да откријат нешто повеќе за нејзиното минато, само Маргарет има можност да ја открие мрачната вистина.

3. „Норвешка шума“ - Харуки Мураками

Време на промени, на голема револуција, губење во светот... Едно младо момче открива која е целта на неговото постоење во далечната Јапонија.

4. „Крадачка на книги“ - Маркус Зусак

Приказната се одвива за време на Втората светска војна во Германија, а станува збор за Лисел Мемингер, сираче кое живее надвор од Минхен. Лисел едвај преживува, а она што најмногу ја мотивира да краде се книгите. Со помош на нејзиниот татко посвоител, учи да чита и набрзо, ја открива моќта на зборовите.

5. „Океан на крајот од патот“ - Нил Гејман

Во рурална Англија еден човек, по многу години, се враќа во домот каде го доживеал своето детство. Спомените полека се навраќаат, а со нив, открива дека неговото детство било далеку почудно и поопасно, отколку што си го замислувал.

6. „Парфем“ - Патрик Зискинд

Романот ја раскажува приказната за еден помошник произведувач на парфеми кој почнува да убива девојки, сакајќи да го открие совршениот парфем.

Н. Г. | Црнобело