10 книги кои вреди да ги прочитате пред нивните филмски адаптации

Не е дека треба да имаме добра причина само за да отвориме нова книга и да ја прочитаме, но во секој случај, за некои книги можеме да најдеме.

Пред да погледнете неколку филмови кои се очекува да излезат во наредниов период, па и наредната година, вреди да ги прочитате книгите по кои се направени.

10 предлози на книги кои вреди да ги прочитате пред да го погледнете филмот:

1. „Убиство во Ориент Експрес“ - Агата Кристи

За што станува збор: Класичната мистериозна приказна го следи детективот Херкул Поаро додека тој е во потрага по убиецот во познатиот воз.

Кој ќе глуми во филмот: Кенет Брана е режисер и ќе го глуми Поаро, заедно со Лесли Одом Џуниор. Се шпекулира дека и Шарлиз Терон ќе биде меѓу тимот од актери за овој филм.

Можете да ја најдете и на македонски:

2. „Девојката од возот“- Пола Хокинс

За што станува збор: Во оваа мистерија, една жена мисли дека знае нешто околу кривично дело кое вклучува еден пар кој таа секојдневно го гледа додека патува со воз.

Кој ќе глуми во филмот: Главниот лик во филмот ќе го глуми Емили Блант.

Можете да ја најдете и на македонски:

3. „Инферно“ - Ден Браун

За што станува збор: Серијата продолжува со најновата авантура на Роберт Лангдон во која тој следи траги според книгата на Данте, „Божествена комедија“.

Кој ќе глуми во филмот: Том Хенкс уште еднаш ќе ја глуми улогата на Лангдон, а овојпат, покрај него е и Фелисити Џонс.

Можете да ја најдете и на македонски:

4. „Фантастични ѕверови и каде да ги најдете“ - Џ.К. Роулинг

За што станува збор: Роулинг уште еднаш нè враќа во универзумот на Хари Потер, а во оваа книга се раскажува приказната за магионичарот кој ја напишал книгата по која треба да учи Хари Потер.

Кој ќе глуми во филмот: Еди Редмејн.

5. „Молк“ - Шусаку Ендо

За што станува збор: Книгата ја следи приказната на Језуитите кои се обидуваат да го донесат христијанство во Јапонија во 17-от век.

Кој ќе глуми во филмот: Ендру Гарфилд ќе го глуми отецот Родригез во филмот кој е во режија на Мартин Скорсезе.

6. „Домот за необични деца на госпоѓица Перегрин“ - Ренсом Ригс

За што станува збор: Во книгата еден тинејџер по име Џејкоб ги истражува урнатините од една чудна куќа на остров близу Велс, Велика Британија.

Кој ќе глуми во филмот: Ева Грин во режија на Тим Бартон.

Можете да ја најдете и на македонски:

7. „Педесет нијанси потемно“ - Е. Л. Џејмс

За што станува збор: Во ова продолжение на книгата, врската меѓу Кристијан Греј и Анастасија Стил се продлабочува откако тој дозволува да влезе во неговиот свет малку повеќе.

Кој ќе глуми во филмот: Џејми Дорнан и Дакота Џонсон повторно ќе ги глумат улогите на Кристијан Греј и Анастасија Стил.

Можете да ја најдете и на македонски:

8. „Педесет нијанси ослободени“ - Е. Л. Џејмс

За што станува збор: Ова е последната книга од трилогијата „Педесет нијанси“, а во неа Кристијан и Анастасија откриваат како изгледа најопасната врска досега - бракот.

Кој ќе глуми во филмот: Тука по трет пат ќе ги видиме Џејми Дорнан и Дакота Џонсон како Кристијан Греј и Анастасија Стил.

Можете да ја најдете и на македонски:

9. „Сведок на обвинителството“ - Агата Кристи

За што станува збор: Кратката приказна следи драма во судницата за случај за убиство со многу пресврти, извртувања и брачни интриги.

Кој ќе глуми во филмот: Бен Афлек ќе биде и режисер и ѕвезда на филмот.

10. „Темната кула“ - Стивен Кинг

За што станува збор: Приказна за осамен пиштолџија, Роланд додека тој се движи низ магично општество во потрага по Темната кула.

Кој ќе глуми во филмот: Идрис Елба и Метју Меконахи.

Н. Г. | Црнобело