Пристигнува нова книга „50 нијанси на сиво“, овој пат раскажана од машка перспектива

Сега е време господинот Греј да ви ја раскаже приказната од неговата гледна точка.

Авторката E.L. James преку нејзиниот Инстаграм профил ја најави најновата верзија на книгата „50 нијанси на сиво“.

Книгата која ќе биде насловена како „Греј“ ќе биде објавена на 18 јуни кога е и роденденот на овој култен лик.

„Оваа книга е посветена на оние читатели кои ја барааа... и бараа... и бараа“ - вели E.L. James.

Авторката уште на првата страна од книгата објаснува дека е напишана благодарение на барањето на нејзините верни читатели кои биле заинтересирани за приказната раскажана од перспективата на Кристијан.

На социјалните мрежи ја прикажа првата слика од книгата и натаму продолжува: „Кристијан е комплексен лик и читателите секогаш беа заинтересирани за неговите желби и мотиви, како и за неговото минато“.

Како што знаете секоја страна има своја приказна. Зошто тогаш да не знаеме како изгледа оваа сложена врска во очите на младиот господин Греј?