Илуминати, фотографии од разголени жени – „Скриени“ пораки во постарите анимирани филмови на Дизни
Во кадар од постара верзија цртаниот филм The Rescuers, јасно се гледа фотографија од гола жена. Додека некои сметаат дека е само невкусна шега од некој вработен во студиото, постојат и оние кои веруваат дека фотката е доказ за некаква мрачна намера на Дизни.
Теориите на заговор секако дека се присутни и денес, но се чини јавноста веќе заборави дел од оние кои доминираа пред 10-тина, па и повеќе години.
Во периодот пред интернетот да го земе својот замав, немавме начин да ја провериме точноста на секоја информација што ја читаме, па и самите теории на заговор беа полуди.
Во 2000-тите, можеби поради популарните книги на Ден Браун, многумина беа убедени дека со светот владеат Илуминатите – тајно друштво кое наводно изведува и сатанистички ритуали за да остане на врвот.
А, на „пик“ беше и филмското студио Дизни, особено кога во јавност почнаа да се појавуваат „докази“ дека во нивните цртани филмови има и скриени пораки чија цел е да ги контролираат децата што ги гледаат.
Некои веруваа дека Дизни е дел од Илуминатите и дека го користи своето влијание за контрола на нивната млада публика.
Од денешен аспект, ова можеби ви звучи лудо, но ако сте биле дете или во раните тинејџерски години кога се појавија овие шпекулации, сигурно ве замислиле, барем на миг.
Некогаш аниматорите на шега додаваат ситници во анимираните и цртаните филмови, а некогаш вметнуваат и шеги кои би ги разбрале само родителите, со цел да им го направат филмот забавен.
Па, да се потсетиме на најпопуларните скриени пораки од цртаните на Дизни:
The Lion King
На постерот за The Lion King, во крупен кадар се гледа ликот на Симба.
Сепак, според некои, во ликот е скриена женска силуета со долна облека, на која задникот ѝ е во преден план.
The Little Mermaid
Уште еден контроверзен постер.
Овој пат, на замокот кој е претставен на постерот наводно се гледа нешто што наликува на вибратор.
Мики и Мини Маус
Овој пат не станува збор за цртан, туку илустрација од Мики и Мини Маус која наводно завршила во списание на Дизни.
Според некои, телото, односно фустанот на Мини премногу наликува на машки полов орган.
Tangled
Една од попопуларните скриени пораки.
На постерот на аниминираниот филм се гледа Рапунзел која го врзува машкиот главен лик, Флин, со нејзината долга коса.
И, наводно, на косата замотана околу него се гледа англискиот збор за секс – sex.
The Rescuers
Во оригиналната верзија на цртаниот филм, во еден кадар се забележува фотографија на гола жена.
Интересно е што откако од Дизни ја воочиле фотографијата, ја отстраниле од цртаниот филм и не можете да ја видите во поновите верзии.
Сепак, до денес не се знае кој ја вметнал фотографијата во цртаниот, а не е познат ни идентитетот на жената.
Денес, повеќето веруваат дека станува збор само за невкусна шега и ништо повеќе.
The Hunchback of Notre Dame
Сам по себе, ова е еден од поконтроверзните цртани филмови на Дизни поради мрачната приказна.
А, во една сцена на којашто е прикажан оган, се гледа силуетата на главниот лик – Есмералда.
Она што им пречи на „теоретичарите на заговор“ е тоа што изгледало како Есмералда да е гола,
DuckTales
За многумина, ова е само шега на сметка на бројните теории на заговор кои кружат околу дизни.
Во една сцена од цртаната серија се гледа натпис на ѕидот на кој пишува Ask about Illuminati, односно „Прашај за Илуминатите“.
Спирова С. | Црнобело