Талентот им е во гените - Познати Македонци за кои не сте знаеле дека се братучеди

Детали

четврток, 10 април 2025

Дали знаевте дека Тамара Тодевска и Тијана Дапчевиќ се први братучетки со водителката Катерина Тодевска Спасиќ?

Крвта не е вода, а талентот во некои семејства е толку изразен, што не е наследен само од родителите на децата, туку и во поширокото семејство.

Доказ за тоа се и овие познати Македонци кои се крвно поврзани, односно се први или втори братучеди, а притоа се успешни во своите области.

Знаете ли кои се тие?

Тамара Тодевска и Тијана Дапчевиќ со Катерина и Ана Тодевски

Пејачките Тамара и Тијана се први братучетки со водителка на емисијата „Скопје але але“ и „Никој како...“, Катарина Тодевска Спасиќ и нејзината сестра Ана Тодевска, која долги години работи како презентерка на вести на домашните телевизии.

Маја Саздановска со Дарко и Оливер Димитрови

Пејачката Маја Саздановска, која е вработена во МОБ, а долги години пее придружни вокали на настапите на Калиопи, има навистина големо и познато семејство.

Нејзин тетин е композиторот Славе Димитров, а тетка ѝ е фолк-легендата Виолета Томовска.

Но, дел од нејзините први и втори братучеди се занимаваат со јавна професија и се популарни.

Први братучеди на Маја се композиторите и продуценти Дарко и Оливер Димитрови, синовите на Славе Димитров.

Маја Саздановска со Олгица Христовска

Втора братучетка на Маја е пејачката Олгица Христовска, која ја испеа „Свирете ја Зајди, зајди“.

Олгица последниве години е повлечена од јавната сцена.

Маја Саздановска со Ади и Дино Имери

Втори братучеди на Маја се и браќата Ади и Дино Имери, синови на Дамир Имери.

Дино важи за еден од најдобрите македонски пијанисти и е доцент на Факултетот за музичка уметност во Скопје.

Ади, пак, свири на неколку инструменти, но најчесто настапува со својата гитара и соработува со бројни музичари.

Маја Саздановска со Бобан Мирковски

Пејачката е втора братучетка и со пијанистот Бобан Мирковски.

Тој, освен што одржува концерти во земјава и странство, има освоено бројни награди на меѓународни фестивали, а досега снимил и два албума за пијано - Facing the Sun и Album.

Нора и Бени Шаќири со Ервин Цого

Бени Шаќири, пејачот на Нон Стоп и неговата сестра, Нора се први братучеди со поранешниот кошаркар и баскетџија Ервин Цого.

Цого во својата кариера играше за неколку кошаркарски клубови, по што кариерата ја продолжи во баскет 3х3, а од неодамна е селектор на швајцарската 3х3 репрезентација и тренер на две женски кошаркарски екипи во Швајцарија.

А. Ј. | Црнобелo