Успешни и популарни: Кои се најпознатите сестра+брат на македонската јавна сцена?

Детали

недела, 30 март 2025

Освен што се популарни, делат и иста ДНК. Ова се најпознатите брат + сестра на нашата јавна сцена.

Велат, врската помеѓу братот и сестрата е нераскинлива, понекогаш дури и посилна отколку онаа на две сестри или на двајца браќа.

Братот и сестрата се чуваат едни со други (почесто братот е заштитник на сестрата, без оглед кој е постар), се поддржуваат во сè што прават и се радуваат на своите успеси.

Исклучок не се ни познатите - па освен наши сестри кои имаат јавна професија, и македонски браќа кои се популарни, на домашната јавна сцена има неколку случаи на успешни брат+сестра, кои се секогаш тука еден за друг.

Кои се најпознатите сестра+брат на јавната сцена во Македонија?

Лазар и Магдалена Ена Цветковски

Лазар е еден од најпознатите композитори и продуценти во земјава.

Тој повеќе од 20 години создава хитови, а соработува со Лозано, ДНК, Слаткаристика, Антониа Гиговска и многу други.

Неговата сестра, Магдалена Ена Цветковска е пејачка и текстописец.

Таа членуваше во групата 4Play, а се потпишува како автор на повеќето текстови на песните кои ги создал нејзиниот брат.

Бобан и Андријана Илиоски

Бобан Илиоски е светски и европски шампион во кик-бокс, а од неодамна има и своја школа за деца кои сакаат да се занимаваат со овој спорт.

Негова најголема поддршка (но и тој нејзина) е сестрата Андријана, која е модел со интернационална кариера.

Никола и Јана Серафимови

Никола Серафимов е еден од нашите најдобри млади фудбалери.

Настапува за македонската репрезентација, а игра за унгарскиот клуб Fehervar.

Јана, пак, е спортски новинар и автор на емисијата „Ферплеј со Јана“, но и презентер на спортски вести.

Бени и Нора Шаќири

Арбен Бени Шаќири со години е дел од музичката сцена кај нас, основач на групата „Нон стоп“.

Неговата помлада сестра Нора е поранешна телевизиска водителка и новинар.

Таа оди често на настапите на својот брат и споделува фотографии и видеа со него.

Влатко и Марија Лозаноски

Влатко Лозаноски Лозано со години е еден од најпопуларните и најбарани македонски пејачи.

Неговата сестра Марија, пак, е писателка (автор на „Големото Л“ и „Другата“), но и текстописец.  

Прочитајте и Кои се најпознатите сестри на македонската јавна сцена?

А. Ј. | Црнобело