Кои се најпознатите браќа на македонската јавна сцена?

Детали

недела, 14 април 2024

Успешни музичари, одлични спортисти... Кои се најпознатите браќа на нашата јавна сцена?

На нашата јавна сцена има многу познати браќа, кои освен крвното сродство, ги спојува и професионалната соработка. Тие се исклучително успешни во она што го работат.

Ова се некои од најпознати браќа кај нас: 

Диран и Гаро Тавитијан

Музичарите Диран и Гаро Тавитијан се синови на познатиот музичар и тапанар и на групата „Леб и сол“, Гарабет Тавитијан.

Повеќе од 3 децении браќата Тавитијан се дел од македонската музичка сцена.

Во соработка со голем број регионални поп и рок ѕвезди, во 2009 година браќата Тавитијан направија одлични преработки на неколку македонски традиционални песни, а тие се најдоа во нивниот албуми насловен „Македонското срце чука во 7/8“.

фото: Инстаграм

Стефан и Мартин Филиповски

Близнаците Стефан и Мартин Филиповски во јавноста се познати и како дуото Next Time.

Стефан е вокал во групата, додека Mартин свири на гитара и е придружен вокал.

Во 1996 година Мартин и Стефан настапија на фестивалот за детски песни „Златно славејче“, со песната „Фудбалер и кошаркар“.

Својот прв голем успех го имаа во 2009 година, кога ја претставуваа Македонија на Евросонг со песната „Нешто што ќе остане“.

Денес зад себе имаат многу успешни концерти, албуми и хитови - свои песни, но и преработки на наши изворни песни.

Мартин и Стефан имаат и постар брат Филип, кој заедно со нивната мајка Сузана им е најголема поддршка во сѐ што прават.

фото: Инстаграм

Раде и Филип Нуневски

Докажаните инструменталисти Раде и Филип се дел од бендот „Браќа Нуне“, кој го основале во 2018 година.

Пред основањето на бендот, Филип и Раде ја придружуваа Есма Реџепова Теодосиевска на нејзините последни концерти.

Браќата Нуне во моментов се едни од најангажираните музичари во нашата земја.

Освен во Македонија, тие се барани и во дијаспората, каде што често имаат концерти.

фото: Инстаграм

Филип и Кирил Лазаров

Поранешните ракометни репрезентативци Кирил и Филип Лазаров се родени во Свети Николе, а Кире е 5 години постар од Филип.

Кире денес е селектор на македонската ракометна репрезентација, но работи и како тренер, исто како и неговиот помал брат.

Кире е и најуспешниот стрелец во Лигата на шампиони во ракомет, со постигнати 1256 погодоци во 18 сезони, што го прави еден од најдобрите ракометари во историјата на овој спорт. 

фото: Фејсбук / Фејсбук

Војдан и Дамјан Стојановски

Кошаркарските репрезентативци, близнаците Војдан и Дамјан Стојановски, својата кариера ја започнале во клубот „Вардар“.

И двајцата денес играат за МЗТ Аеродром. Дамјан игра на позиција крило и е капитен на екипата, а Војдан е бек.

Војдан и Дамјан имаат и постар брат, Огнен, кој исто така е кошаркар.

фото: Инстаграм

С. Ш. | Црнобело