Сара Мејс и Димитар на летување во Египет со Лазаров и Марта - мажите го учат Кирил да пие пиво (фото)

Детали

четврток, 11 јули 2024

„Кога ќе го оставиш детето на мажите“, напиша на шега Стефан Лазаров и покажа како му дава на синот на Сара и Димитар да проба голтка пиво, а потоа и неговата слатка реакција додека прави смешни фаци. 

Египет отсекогаш бил привлечна туристичка дестинација, а оваа година на заедничко летување таму заминаа Димитар Атанасовски со сопругата Сара Мејс и децата, во друштво на Стефан Лазаров и неговата сопруга Марта.

Двата пара, кои се дружат поинтензивно откако Стефан и Димитар заедно го реализираат адреналинското шоу „Триумф“, заминаа на летување, кое, по фотографиите и видеата што ги споделуваат на социјалните мрежи, се чини е забавно и нешто што ќе им остане засекогаш во сеќавање.

Во Египет, Стефан и Марта ја прославија првата годишнина од брак, а на шега, додека беа во пустина на возење квад, Стефан клекна на колена и со свршеничкиот прстен што ѝ го даде на сопругата пред некоја година, повторно „ја запроси“.

„Луѓето ќе си помислат дека стварно ме бараш за жена, а ние сме одамна во брак“, му вели Марта.

На пустинското сафари, двете семејства беа и на јавање камили, од каде што споделија по некое видео на Инсатаграм Стори.

Стефан неколкупати беше задолжен да го чува Кирил, помалото дете на Сара и Димитар. Па, додека се „дружеа“, Стефан му даде да проба пиво.

Кирил, иако делува дека едвај чека да пивне од пијалакот, по првата голтка прави „кисели“ фаци, а Стефан не може да престане да се смее на неговите слатки реакции.

„Кога ќе го оставиш детето на мажите“, напиша Лазаров.

Повеќе фотографии од заедничкото летување во Египет:

Повеќе фотки на следната страница...