Игор Џамбазов по 56 години се сретна со жената што го исчувала: „Тетка Даринка нè научи да бидеме добри луѓе“
- Детали
- петок, 08 ноември 2024
„Тетка Даринка нè чуваше со сестра ми кога бевме мали. Живееше кај нас и се грижеше за нас во недостаток на родителите, кои тогаш беа на врвот на кариерите. Таа се обидуваше да нè научи да бидеме добри луѓе, а на концертот ја повикав на сцена и се изгушкавме за сите 56 години кои не се видовме“ – пишува Игор во видеото од емотивната средба на настапот во Канада.
Игор Џамбазов периодов беше во Торонто, Канада, каде пред Македонците кои живеат таму одржа музички настап заедно со Гуру Харе и ги кренаа сите на нозе.
Кликнете на видеото за да погледнете дел од атмосферата:
Но, освен прекрасната атмосфера во салата, Игор сподели и еден емотивен, приватен момент кој се случил на концертот.
Тој забележал дека во публика е жената која го исчувала него и неговата сестра Тања кога биле мали, бидејќи нивните родители, кои тогаш биле во врвот на своите кариери, често отсуствувале од дома.
На видеото се гледа дека тој ја поканил на сцена и се прегрнуваат од срце по 56 години од последното гледање.
Во описот на видеото тој напиша:
„Ова е сигурно еден од најемотивните моменти од концертот во Торонто.
Дознав дека во публиката се наоѓа тетка Даринка, жената која нè чуваше мене и сестра ми Тања кога бевме мали.
Живееше кај нас, се грижеше за нас, и во недостаток на родителите кои тогаш беа на врвот на своите кариери и многу често отсуствуваа од дома, бидејќи патуваа на турнеи и снимања, па се обидуваше да ги замени.
Тетка Даринка се обидуваше да нè научи да бидеме добри луѓе, и се надевам дека успеа во тоа.
А кога конечно ја пронајде љубовта на својот живот, чичко Ѓоко, тој ја побара нејзината рака од мајка ми и татко ми, а тие им дадоа благослов.
После тоа заминаа за Канада. Таму станаа успешни луѓе, познати во македонската заедница.
На концертот, ја повикав на сцената. Се изгушкавме за сите 56 години во кои не се видовме.
56 години. Животе, понекогаш навистина знаеш да бидеш суров...“
М. М. | Црнобело
Би можело да ве интересира:
Препорачуваме
Најчитани неделава
