Миа Костова за патувањето на Санторини: „Во таверна со добар поглед нема да поминете со помалку од 200 евра“
- Детали
- четврток, 12 септември 2024
„Немам фотографија од магаренцата на Санторини затоа што искрено ужасно ми е кога ги гледам како ги јаваат и тегнат. Ноќевање во овој период од годината чини околу 400 евра“, сподели Миа Костова за патувањето на Санторини.
Миа Костова со својата пријателка Тијана Скулиќ септември го искористи за релаксација на Санторини.
Од сончање покрај базен до неверојатни зајдисонца и вкусна храна, двете си поминаа незаборавен одмор.
Миа на својот Инстаграм профил одговараше на прашања од следбениците на тема Санторини и откри кои работи ѝ се допаднале, односно не ѝ се допаднале на овој грчки остров.
Работите кои ги откри Миа на Инстаграм Стори:
„Летот од Солун до Санторини е околу 1 час.
На Санторини не отидовме за море и плажа. Има фино уредени плажи со паркинг блиску, но ниту водата, ниту песокот не се нешто посебно. Има вулкански црн песок.
Санторини е многу повеќе за шетање, отколку за летен одмор и плажа.
Цените зависат од периодот на годината и може да си проверите на Booking. Ноќевање овој период е околу 400 евра од ноќ.
Цените на храна се поскапи од што сме навикнати во Грција и секако зависи што и каде јадете.
Од гиро и пица кои чинат 15-20 евра до ресторани каде за двајца може да потрошите 500 евра.
На Санторини ако седнете во таверна со добар поглед тешко дека ќе поминете со помалку од 200 евра.
Немам фотографија од магаренцата на Санторини затоа што искрено ужасно ми е кога ги гледам како ги јаваат и тегнат.
За превоз на островот користевме рент а кар и нè чинеше околу 45 евра на ден.
Инаку, мора да имате превоз, но не советувам мотоцикл, улиците се малку криви и непријатни, па автомобил е посигурна варијанта“.
На следната страница Санторини преку фотките на Миа и Тијана...
Би можело да ве интересира:
Препорачуваме
Најчитани неделава
