Миа Костова за летувањето во Ердек: „Тијана има стан тука, влез на приватна плажа е меѓу 600 и 1.500 денари“
- Детали
- среда, 14 август 2024
„Цените до лани беа супер евтини, годинава се како во Грција. Има лахмаџун за 3-4 евра, ама во ресторан нема да поминете без 150 евра за двајца. И маркетите не се воопшто евтини, поскапо е од кај нас“, вели Миа Костова за летувањето во Турција.
Миа Костова во моментов е на летување во Ердек, со синот Андрија и со Тијана.
Тие се веќе неколку недели во Турција, од каде што ќе продолжат кон Санторини, што, како што најави Миа, е нивната следна дестинација.
Инфлуенсерката, освен што ужива во времето на плажа, но и во сето она што ѝ го носи денот, таа наоѓа време и за комуникација со своите следбеници.
Па, досега, неколкупати им даде можност за разговор и одговараше на нивните прашања.
Дел од „муабетите“ меѓу Миа и оние кои ја следат, беа поврзани со впечатоците од летувањето во Ердек, цените, плажите, храната...
„Како е со цени од сместување, храна, плажа? Дали сместувањето е блиску до плажа?“, ја прашаа Миа.
„Не сум разгледувала цени за сместување. Тијана има стан тука, кој е во стариот дел од градот, на 2 минути од центарот.
Плажите ни се на 10-15 минути со кола. Цените до лани беа супер евтини, годинава се како во Грција.
Имате лахмаџун за 3-4 евра, ама во ресторан нема да поминете без 150 евра за двајца.
И маркетите не се воопшто евтини, поскапо е од кај нас.
Ако пиете вино на плажа и јадете салата и некој бургер, кафе, вода, исто ќе ве чини некои 100 евра“, одговори Миа.
Таа кажа и дека станот во кој престојуваат е на мајката на Тијана и дека никој не живее таму „преку годината“, но дека Тијана и брат ѝ се таму во текот на летото.
Следбениците ја прашаа и каков впечаток ѝ оставил Ердек, бидејќи, според нив, Миа преку Инстаграм Стори не оддавала впечаток дека е воодушевена.
„Тука сме секоја години и ни е како дома. Нема што да те воодушеви во мало гратче со неколку фини плажи.
Битно ни е да сме на море. И да, многу го сакаме Ердек“, напиша Миа.
На прашањето за цената на лежалките, Миа вели:
„Зависи каде. На градските плажи што се ужасни, не се наплаќаат, на другите влез на плажа е од 600 до 1.500 денари по човек“.
Таа откри и дека омилено јадење на Андрија и Тијана им е лахмаџун, а дека таа јаде салати, па нема нешто што ѝ е посебно омилено од она што го нуди локалната кујна.
„На кои други места си била во Турција и кои се твоите впечатоци?“ - ја прашаа.
На ова, Миа напиша дека Турција е преубава земја, а таа досега била во Анталија, Мармарис, Сиде, Истанбул и Анкара.
„Јас само мразам одмори во ресорти со базени додека сум на море.
На тие места низ Анталија, баш морето е некако тапа, па не би одбрала одмор со 10 дена во базен.
Во тие места и овде во Ердек некако се своеглави и сè мириса на Турција, а имаат баш ужасна храна и по хотели и тука по ресторани.
Упропастени варени шкампи и слично... Е сега, Бодрум или озбилни рестораништа во Истанбул се друга приказна.
Сè на сè, Турција си е убава - кој што си сака“, напиша таа.
Повеќе фотографии во продолжение:
А. Ј. | Црнобело
Би можело да ве интересира:
Препорачуваме
Најчитани неделава
