Горди сме! Македонец освои награда за Најдобар интернационален музичар во Либан

Детали

вторник, 19 септември 2023

Значајното признание на виолинистот Петар Маркоски му беше врачено во Casino du Liban. Откако ја прими наградата, Петар настапи пред гостите и добитниците на останатите награди, па доби силен аплауз.

Виолинистот и пејач Петар Маркоски е избран за Најдобар интернационален музичар, на Murex D’or, меѓународна церемонија за доделување награди која се одржува во Либан од 2000-тата година.

Значајното признание на Петар му беше врачено на 17 септември во Casino du Liban. Откако ја прими наградата, Петар настапи пред гостите и добитниците на останатите награди, па доби силен аплауз.

Тој на својот Инстаграм објави неколку фотографии од свечената церемонија, па се заблагодари на поддршката и љубовта што ја добива за својата работа.

„Ви благодарам Murex D’or за оваа неверојатна награда. Но, благодарност до сите од цел свет за неизмерната љубов и поддршка, немаше да успеам без вас. Ве сакам“, напиша тој.

Петар, кој има преку 1.3 милиони следбеници на Инстаграм се прослави со видеата на кои на својата виолина свири преработки на познати светски хитови, но и класични дела.

Инаку, Murex D’or е церемонија за доделување награди која датира од 2000-тата година.

Иако на почетокот била фокусирана на либанските артисти од различни области, низ годините организаторите го прошириле својот фокус, па ги вклучиле и артистите од целиот арапски свет, но и музичари од други региони во светот.

Прочитајте и На гондола во Венеција, во шума: Запознајте го македонскиот Хаусер - дечко од Охрид свири на виолина на разни локации

А. Ј. | Црнобело