20-годишниот кошаркар Петар Ивановски меѓу трагично загинатите во Кочани

Детали

понеделник, 17 март 2025

„Аххх, аххх наш Петар - голем човек со големо срце, беше голем борец“ - пишува во објавата од клубот на младиот кошаркар.

Откако вчера (16.03) осамна веста дека во пожарот во дискотеката во Кочани загинаа фудбалерот Андреј Лазаров и 18-годишниот голман од Штип, Дамјан Танески, денес Македонија се простува и од кошаркарот Петар Ивановски.

Веста за неговото загинување ја споделија од неговиот клуб, третолигашот, Дино Баскет Деликатес.

„Аххх, аххх наш Петар.

Со голема тага ја примивме веста каде што нашиот соиграч Петар Ивановски е еден од жртвите во синоќешната трагедија.

Тој беше голем човек со големо срце, беше голем борец и беше МВП на турнир М-14. Ја почна кариерата уште на најмала возраст, освојуваше многу трофеи и победи во рамките на клубот.

Тагата е преголема, сочувство до семејството…“ - пишува во објавата.

Петар беше меѓу лицата за кои семејството и пријателите бараа информации преку социјалните мрежи, но за жал, неговите најблиски ја добија најстрашната вест, дека тој е загинат.

Во пожарот во дискотеката „Пулс“ во Кочани загинаа 59 лица, а околу 150 се повредени.

Погледнете ја објавата:

А. Ј. | Црнобело