Миро Кацаров открива детали за свадбата за CRNOBELO.com: „Ќе собираме донации за дечиња од ранливи категории, ќе биде журка на деценијата“
- Детали
- понеделник, 14 август 2023
„Идејата за поканата, на која е нагласено дека ќе собираме донации, ни дојде случајно. Ивана има дете од првиот брак, го сака многу и знае како со деца и затоа сакаме да помогнеме на дечиња кои имаат потреба од тоа“, вели Миро Кацаров и додава дека на свадбата ќе има повеќе од 400 гости, над 15 музички артисти и црвен тепих.
Миро Кацаров на 17-ти септември ќе стапи во брак со својата сакана Ивана во дискотека во Штип.
Свадбата им е замислена како журка со 400 гости, но сакаат нивниот најубав ден да има и хумана нота, па ги повикуваат сите нивни гости наместо цвеќе да остават донација во кутија за дечињата од ранливи категории.
Миро открива детали за свадбата за CRNOBELO.com:
„Свадбата ќе биде како журка во еден од најдобрите кабаре клубови во Македонија, кој се наоѓа во Штип.
Ќе правиме модерна свадба и нема да имаме традиционални обичаи како земање на невестата од дома, буткање на врата и слично.
Ќе биде со црвен тепих, со многу гости, со многу богата програма со наши 15 музички артисти, сите најдобри во својата сфера, најдобри во хип-хопот, најдобри во поп музиката, најдобри во фолк музиката и најдобри во вечерни свирки.
Ќе има многу пиротехнички материјали, на почетокот од свадбата ќе се емитува мини документарец за мене и за Ивана, а македонски народни песни ќе има само 45 минути, но и тој момент мора да се запази.
Венчаницата на Ивана ќе биде во сирена стил со шлиц и деколте.
Поканети се над 400 гости, од кои многу наши познати личности, како музичари, политичари, инфлуенсери и слично и мислам дека свадбата ќе биде една од најдобрите во последната декада, само со Господ напред.
Идејата за поканата, на која е нагласено дека ќе собираме донации, ни дојде случајно. Ивана има дете од првиот брак, го сака многу и знае како со деца и затоа сакаме да помогнеме на дечиња кои имаат потреба од тоа.
Знаеме дека ќе добиеме многу букети и тоа ќе се фрли, а со донација од 500 денари колку за букет, верувам дека ќе собереме убава сума и ќе дадеме барем мал придонес за дечињата од ранливи категории во згрижувачките домови“.
Прочитајте и Миро Кацаров ја запроси саканата на романтична вечера со виолини во Рим - открива детали за CRNOBELО
©CRNOBELO.com Забрането преземање и копирање. Крадењето на авторски текстови е казниво со закон.
С. С. | Црнобело
Би можело да ве интересира:
Препорачуваме
Најчитани неделава
