Цеце Николова: „Пред една година излегов од дома без перика и повеќе не ја ставив - сега дури и коса ми расте“
- Детали
- понеделник, 15 мај 2023
„Пред точно една година првпат излегов од дома без перика. И повеќе никогаш не ја ставив. Ова е првата година во мојот живот во која сум вистинска. Оригинална. Своја. Најсвоја. Слободна...“, ја почнува својата емотивна исповед Цеце Николова, новинарка од Скопје, која отворено говори за животот со алопеција.
Цеце Николова е новинарка од Скопје која речиси целиот живот се соочува со алопеција, но дури минатата година собра храброст да ја тргне периката и да му ја прикаже на светот својата различност, односно својата уникатна убавина.
Веќе една година таа е слободна и своја, а сега на Инстаграм објави неколку фотографии со кои го прослави тоа.
Цецe на својот профил напиша:
„Пред точно една година првпат излегов од дома без перика. И повеќе никогаш не ја ставив.
Ова е првата година во мојот живот во која сум вистинска. Оригинална. Своја. Најсвоја. Слободна.
После сѐ што ми се случи периодов, можам да кажам дека периката и алопецијата непотребно ми ја мачеле душава цел живот. Видов многу пострашни работи.
Пред животот да ви помине во измачување, гушење, криење и лаги - погледнете се во огледало, ѕирнете си во душата, изговорете гласно сѐ од што се плашите и учете од сопствените стравови.
П. С. После една година „слободна“, ми расте коса, иако скроз не мора“.
Цеце постојано докажува дека љубовта кон себе е најважниот тип на љубов во животот.
Таа е порасната без родителска грижа и денес е од другата страна на приказната, односно формираше здружение за помош на деца без родителска грижа кое се вика ЗА ТЕБЕ, 4U.
Прочитајте го интервјуто со неа - Цеце Николова: „Алопецијата ми помогна да изградам самодоверба, а растењето без родителска грижа ме зајакна“
С. С. | Црнобело
Би можело да ве интересира:
Препорачуваме
Најчитани неделава
