„Ќе станеш татко, ми рече, па вреснав“ - Андрија Милошевиќ со емотивна порака до сопругата за роденденот на синот

Детали

четврток, 27 февруари 2025

„Никогаш нема да ти ја заборавам оваа добра вест“, романтично ѝ порача Андрија Милошевиќ на саканата Александра Томиќ. „Сине, ова ѝ го напишав на мајка ти кога ми рече дека ќе дојдеш...“

Aктерот Андрија Милошевиќ (46) на 25.02 го прослави третиот роденден на синот, кој го има од бракот со неговата сакана, актерката Александра Томиќ.

Тие откако го добија синот Реља се трудат максимално да го заштитат и неговиот лик го кријат од очите на јавноста, но не кријат колку се среќни што го имаат во својот живот.

Андрија по повод роденденот на Реља сподели видео во кое напиша: „Сине, ова ѝ го напишав на мајка ти кога ми рече дека ќе дојдеш. Среќен трети роденден“.

А потоа сподели што ѝ напишал:

„Ми се јави. Те прашав зошто.

‘Ќе станеш татко’, ми рече.

Вреснав во себе, го разбудив Бога – тој знаел.

Ми ја замени главата, ми го смири срцето, ми ја разведри душата.

Одеднаш реката озелени, шумата стана сина, се засидри сонцето, ме покри небото, ја чекам месечината.

Штом излезе да ѝ кажам, па да пуштам огномети…

Никогаш нема да ти ја заборавам оваа добра вест“, ѝ порача тој на саканата.

Кликнете на видеото:

Инаку, Андрија и Александра се запознале во еден белградски театар, каде двајцата работеле.

Александра тогаш штотуку завршила факултет и глумела во детска претстава.

Вели дека на почетокот не била нешто посебно заинтересирана за Андрија, но тој бил неверојатно љубезен и пристоен.

Тие се познати по шеговитите видеа кои ги снимаат за на Инстаграм, каде Андрија ѝ кажува чудни вицеви, а Александра само ладно го слуша или му превртува со очи дека шегите му се здодевни.

Повеќе фотографии на следната страница...