Сопругот на Марија Микиќ ја покажа тетоважата од нејзиниот лик на своето рамо – парот ужива во Доминикана (фото)

Детали

вторник, 28 јануари 2025

Српската пејачка која роди две деца во период од две години, се врати во топ-форма и ужива со сопругот на одмор во Доминиканска Република – таа го покажа телото во монокини, а тој тетоважата од нејзиниот лик на рамото.

Српската пејачка Марија Микиќ се прослави како фаворит за српски претставник на Евровизија 2022, но популарна стана и по семејниот живот.

Откако ја доби ќерката Ѓурѓа по неколкугодишна борба со спонтани абортуси, еден месец подоцна таа повторно остана бремена со второ дете, синот Милија.

Таа отворено зборуваше за нејзините предизвици во мајчинството, а споделува и моменти од семејното секојдневие, покрај многубројните настапи низ регионот, кои често ги има и кај нас.

Сега, таа ужива на романтичен одмор со сопругот Јован Пантиќ во Доминиканска Република, од каде објавува фотки на кои се забележува дека се вратила во топ-форма по борбата со килограмите.

На едно видео, таа го снима нејзиниот сакан и во фокус ја прикажува тетоважата од нејзиниот лик, кое е нацртано на неговото рамо. 

На неговото тело се забележуваат и портрети од две детски лица, па тој веројатно сите свои најсакани членови од семејството ги има засекогаш врежано на себе. 

Погледнете повеќе фотки од парот во Доминиканска Република:

M. M. | Црнобело