Трагедија во Загреб: Тинејџер со нож нападнал наставничка и ученици – едно од децата починало

Детали

петок, 20 декември 2024

Утрово во основно училиште во Загреб тинејџер со нож нападнал наставничка и неколку ученици. За жал, според првичните информации има и една жртва, додека останатите повредени се пренесени во болница. Засега не е познат идентитетот на напаѓачот, ниту причината за трагичниот инцидент.

Инцидент во основно училиште во Загреб го потресе регионот, откако хрватските медиуми открија дека ученик со нож нападнал ученик и неколку ученици.

Според HRT, едно од децата починало, а наводно тинејџерот кој го извршил нападот се повредил и самиот.

„По шесте тимови на брза помош кои дојдоа овде, дојде и хеликоптерска единица која во овој миг ги изнесува жртвите на овој масакр, бидејќи сцените на кои децата и наставниците сведочеа навистина се застрашувачки“, изјави репортерка на HRT за хрватската телевизија.

Инцидентот се случил околу 9:50 часот.

Според она што е познато досега, напаѓачот веројатно има 15 години.

Влегол во училиштето со нож, а потоа во училница со првооделенци.

Засега нема информации дали сите повредени и жртвата се од истиот клас или влегол и во други училници.

Потресените родители веќе почнале да ги земат исплашените деца од училиштето, додека полицијата почнала да го заградува училишниот двор.

Напаѓачот бил приведен и засега нема други информации за него.

Пред новинарите се обрати и хрватското премиер Андреј Пленковиќ:

„Згрозени сме, исто како и целата хрватска јавност, за оваа голема трагедија која утрово се случи во ОУ ’Пречко‘ во Загреб.

Полицијата и сите останати служби, пробуваат да утврдат што точно се случило во овој голем инцидент.

Засега имаме информација дека неколку ученици поради повреди се во болница. Штом ќе имаме повеќе информации, секако дека јавноста за тоа ќе биде известена.

Изразуваме жалење и сочувство со семејствата на повредените деца“.

Други детали сè уште нема, но на Фејсбук профилот на HRT Radio Sljeme е споделено морничаво видео од училишниот двор, на кое се гледа како учениците панично излегуваат од училиштето, додека на едно од игралиштата слетува хеликоптер.

На Фејсбук се огласи Северина и им изрази сочувство на родителите.

„Сè нека биде тивко. Едно мало ангелче одлета. Невинo, не ни зачекорилo во животот.

Висок, болка и бес. Неутешна. О Боже, зошто?

Ни останува молитва за учителката и повредените деца.

Сочувство до родителите...“

Спирова С. | Црнобело