„Тоа е мојата девојка“ – Најубавата балада на Самарџиќ е посветена за неговата 24 години помлада сопруга и нивната љубов

Детали

сабота, 14 декември 2024

„Марина Туцаковиќ одамна напиша и посвети една песна на мојата сопруга“ – рече романтичниот Жељко во една прилика, за баладата во која пее за љубовта со саканата Маја, која одолеала на сите предизвици, како и соочувањето со стареењето. Знаете ли која е?

Марина Туцаковиќ, која почина во 2021 година, е текстописец на голем број од најубавите песни на изведувачите од екс-ју музичката сцена.

Помеѓу богатото портфолио на текстови, се наоѓа и една од баладите на Жељко Самарџиќ, за која ретко кој знае дека всушност таа ја посветила на неговата сопруга.

https://www.instagram.com/dejanbegovic/p/BQyB1TIFomw/

Жељко во една прилика, во емисијата „Premijera“, раскажа дека песната ја опишува нивната долгогодишна љубов која победила во секоја битка, одолеала на сите замки и предизвици, меѓу кои е и стареењето и зачувувањето на емоциите.

Пејачот е 24 години постар од својата сакана Маја, но живеат во складна љубов и хармонија речиси 5 децении.

„Марина еднаш одамна ѝ посвети песна на мојата сопруга. Иако тоа е ‘нејзина’ песна, јас на своите концерти им ја посветувам на сите жени кои полека влегуваат во сериозни години. Станува збор за песната ‘Pokaži mi šta znaš’“.

За потсетување, дел од стиховите на песната, преведени на македонски, гласат:

„Покажи ми што знаеш,
дека уште си најдобра кога ме освојуваш,
дека уште си најубава кога ќе се дотераш,
дека уште си најлуда кога ќе ми ги дадеш усните.
Покажи ми што знаеш,
дека уште си царица,
да кажам ‘Види ја, тоа е мојата девојка’,
и на себе да си го доделам најлошиот прекар
ако некогаш друга посакам“.

Инаку, тој е секогаш емотивен кога зборува за саканата Маја, со која е заедно 45 години, но и за ќерките и внуците кои му се најголема гордост. 

Во интервју за CRNOBELO.com во април 2023, Жељко рече:

Во брак сме 45 години и заедно пребродивме многу убави, но и тешки животни моменти.

Си бевме рамо за плачење, издржавме и се боревме за љубовната среќа и така е од моментот кога посакав моите деца неа да ја викаат „мама“.

Прочитајте повеќе: „Пред 45 години успеав да ја заведам единствената жена која посакав да ми роди деца“ – Жељко Самарџиќ за бракот и кариерата

М. М. | Црнобело