Гоца Тржан за вториот сопруг: „Заслужува да му ги мијам нозете – претрпе многу со мене“

Детали

понеделник, 14 октомври 2024

„Не му ги мијам нозете, но му ги масирам стапалата, понекогаш кога е уморен“. Гоца Тржан откри во што е тајната за хармоничниот брак со 14 години помладиот сопруг Раша, за кого вели дека морал да претрпи многу заради неа.

Српската пејачка Гоца Тржан е позната по тоа што никогаш немала влакна на јазикот и секогаш е искрена за сѐ што ѝ се случува во животот, а неодамна зборуваше за нејзиниот однос со вториот сопруг, Радомир Раша Новаковиќ.

Гоца искрено споделува дека Раша, кој е 14 години помлад од неа, истрпел многу во нивниот брак, првично заради товарот што таа го носела со себе во врската.

„Мажот што ќе се впушти во брак со повозрасна жена којашто има дете е повеќе од храбар маж. Зошто?

Затоа што во тој брак не го носиш само детето, туку го носиш и поранешниот сопруг и поранешната свекрва и поранешното семејство, а јас како Гоца Тржан, не го донесов само тоа, туку и медиумските будалаштини“ – рече пејачката.

Таа отворено раскажа како изгледа нивниот брак и на што се должи нивната хармонија.

„Тој човек очигледно ме сака толку многу, толку многу ми е посветен и толку многу заслужува да му ги измијам нозете кога ќе си дојде дома. Не му ги мијам нозете, но му ги масирам стапалата, понекогаш кога е уморен“ – вели Гоца.

Пејачката појасни дека Гоца секогаш го чека Раша да си дојде дома без разлика колку е часот.

Дури и ако заспала, ќе се разбуди за да го праша дали е уморен или гладен.

Инаку, Гоца и Раша се во брак од 2015-та година. Пејачката од претходниот брак со Иван Маринковиќ ја доби ќерката Лена, а во изминатите години често се случуваше тие двајца јавно да се превираат во медиумите.

Прочитајте и Сакала само секс, му се смеела кога ѝ рекол дека е вљубен во неа  – Како 14 години помладиот Раша ја освоил Гоца Тржан?

Б. С. Б. | Црнобело