Им плука на девојките во уста, ги мава децата со патики на концерти – Згрозена сум од идолите на младинава

Детали

вторник, 23 јули 2024

Ги гледам скандалозните настапи на Десингерица на ТикТок и Инстаграм и се прашувам: „Што е со денешниве деца?“ Гледаат ли родителите што им се случува пред очи? Плукање во уста, рендање сирење врз глава, мавање со патики... Ало, гледате ли каде ви одат децата и како ги трошат вашите тешко заработени пари?

Да се разбереме, јас не сум некоја си таму „тетка“, што поим нема што е добра забава, ниту пак сум некоја „бабичка“ што одела на игранки и со машките играла оро преку шамиче...

Сум имала доволно пригоди да одам и на транс журки и на метал, да присуствувам на фестивали и на концерти. Сум им задавала доволно главоболки на моите, сум слушала музика која им одела на нерви...

Да, кога сум била дете и мене ми била интересна приказната за Ози Озборн кој еднаш откинал глава на лилјак на сцена, затоа што мислел дека е пластична кукла што некој од публиката му ја фрлил, за на крај да се покаже дека е вистински и цел месец да мора да прима инјекции против беснило.

Ozzie Osborne’s earliest pic with s bat. pic.twitter.com/ADjB6NQdmH

— Stephen O'Donnell (@stephenodonn) June 2, 2019

Ми биле интересни настапите на Rammstein, на Rage Against the Machine… И ден-денес ги чувам видеоснимките од некои од нивните концерти на ЦД-а и уживам да ги гледам.

Но, никогаш, ама никогаш не би платила доброволно за некој да ми плука во уста, или да ме тера да му ги мирисам смрдливите чорапи додека ја мава публиката со патика и да ми пее некаков си „турбо-фолк рап“ што сега бил кул да се слуша...

pa i treba da im ovo radi hahahahahahah pic.twitter.com/AtDHvRqdVk

— Ja sam samo Kyotobundo (@kyotolos) July 20, 2024

Распнете ме во коментари, слободно, не ни сакам да знам во која музичка фиока го ставате денешново лудило, кое очигледно многу ѝ се допаѓа на младинава.

Ги гледам снимките и не можам да си поверувам како во повеќе македонски локали се собираат деца (па и да имаат 18 години, тоа сепак се деца) и плаќаат со вашите тешко заработени пари за да „паѓаат во транс“ со еден квази идол чијшто основен перформанс се состои во тоа да ги деградира оние коишто го кренале на тој пиедестал.

Текстови на песни што отворено ја промовираат употребата на дроги, додека младите „паѓаат во транс“ и сето тоа го снимаат за да го објават на нивните ТикТок и Инстаграм профили, па да се фалат каде биле и што правеле и дека се „кул“...

@mafia.bebo

🔥🤪 #desingerica #pljugica #foryou

♬ original sound - najjaca firmetina bajo

Ама, да не должам многу, да ви објаснам точно за што станува збор, за да знаете со каков лик си имаме работа...

Кој е бизарниот лик кој во моментов има статус на идол на нашиве простори (иако навистина не ми е јасно зошто)?

Вистинското име на Десингерица е Драгомир Деспиќ и тој е роден во 1993-та година во Белград. Како дете играл кошарка, а во 2019-та година отвори студио за тетовирање.

На следната страница погледнете дел од видеата од неговите скандалозни настапи и прочитајте нешто повеќе за него...