Му наплати 600 евра на Кеба за да го разубави, заработи милиони од цртање веѓи – Кој е Адам Адактар?

Во 2023-та година, ја разбесне јавноста кога изјави дека не бил свесен колку сиромашни луѓе има.

„Кој е грд, тој е заклучен во подрум. Се изненадив колку сиромашни луѓе има. Две госпоѓи дојдоа во мојот салон и кога ги видоа цените, сакаа да излезат.

Јас им ги направив веѓите бесплатно и тоа е океј.

Но, ме нервира кога ќе дојдат луѓето што би требало да бидат дел од нешто поголемо и не се однесуваат адекватно за 100, 200 евра. Не знаев дека тоа е толку важно, не се тоа толку големи пари“ – велеше тој.

Набрзо по ова, тој даде изјава за српските медиуми, па седеше на позлатен стол кој чини 15.000 евра, а кој, како што откри бил изработен во Ватикан. Тој откри дека многу тешко стигнал до него, а планира да купи уште еден за сопругата.

Адам поседува возен парк, вреден околу половина милион евра, а беше исмеан кога својот автомобил Maserati го обои во сина боја за да објави дека очекува син, а потоа го обои и во розова боја за да покаже дека чека ќерка.

Истото розово Maserati беше фотографирано како е паркирано непрописно на паркинг за инвалиди, што дополнително уште повеќе ја разбесне јавноста.

Со цел да ја покаже својата сила и моќ, Адам среде пандемијата го прослави својот роденден во ресторан со 50 поканети, кога беа строго забранети собирите со повеќе од 20 лица.

Иако велеше дека следното дете ќе го добие со помош на сурогат мајка тој неодамна соопшти дека неговата сопруга е бремена и дека очекуваат четврто дете.

Б. С. Б. | Црнобело