„Знаев дека нема да победам“ – Бресквица искрена за изборот за песна за Евровизија, додека фановите организираат протести
- Детали
- среда, 06 март 2024
„Мислев дека ќе бидам тажна, но не сум!“ – Бресквица за првпат имаше гостување во емисија по изборот за српски претставник на Евровизија, а како што рече, уште истата вечер знаела дека нема да победи, но дека веќе нема намера да учествува на ова натпреварување.
Српската пејачка Ангела Игњатовиќ Бресквица важеше за голем фаворит на изборот за Песна за Евровизија во Србија, но нејзината песна „Гнездо орлова“ го освои второто место.
Таа гостуваше во емисија „Амиџи шоу“ на Огњен Амиџиќ, каде ги откри своите впечатоци од натпреварувањето, но и повеќе детали за тоа како се чувствувала во моментот кога сфатила дека сепак нема да оди во Малме, Шведска за да ја претставува својата земја.
Бресквица призна дека победничката на изборот, Теодора Павловска, попозната како Теја Дора, била нејзин фаворит, и дека таа имала претчувство дека нема да победи на изборот.
„Јас веќе нема да учествувам! Тоа е натпревар каде што се пријавив еднаш и нема потреба да се пријавувам повеќе. Не ми беше криво, си имам јас некаква своја интуиција, знаев дека нема да пројдам, почувствував.
Мислев дека ќе бидам тажна, но не сум!“ – рече таа и додаде дека песната на Теја Дора „Рамонда“ ѝ била фаворит по нејзината „Гнездо орлова.“
Инаку, по финалната вечер на Песна за Евровизија, пред зградата на Собранието се појави транспарент „Правда за Бресквица“, а на социјалните мрежи се шири повик за протест пред зградата на РТС на 9-ти март.
Младите сметаат дека Бресквица треба да ја претставува нивната земја во Шведска затоа што таа собра најмногу гласови од публиката, но пејачката сега порача дека воопшто нема да се појави на протестот.
„Јас работам на 9-ти во Цирих. Не можам да стигнам и на едното и на другото место.
Шега настрана, нема потреба (од протести).
Тоа е приказна што за мене се заврши, нема потреба што да се зборува понатаму, весела сум, горда сум, не сум повредена и тоа е тоа“ – порача Бресквица.
За потсетување, пред изборот, Бресквица важеше за голем фаворит, а голема прашина се крена околу нејзината песна затоа што многумина коментираа дека е националистичка.
Таа во емисијата рече оти смета дека гласањето било фер и дека не било наместено и според неа, победила Теја Дора која била подобра.
Прочитајте и Бресквица е висока само 160cm, а играла кошарка – Детали за пејачката, фаворит на српскиот избор за песна на Евровизија
Б. С. Б. | Црнобело
Би можело да ве интересира:
Препорачуваме
Најчитани неделава
