Северина на суд во аутфит од 2.000 евра: „11 години се влечкам по судови вака убава и моќна“
- Детали
- вторник, 06 февруари 2024
Во модна комбинација од над 2.000 евра, Северина се појави на суд каде се соочи со двете жени кои ја обвинуваат за „наметливо однесување“. Таа даде кратка изјава, а на својот Инстаграм профил порача: „Нема да ви дозволам да продавате деца!“
Хрватската пејачка Северина Вучковиќ вчера (05.02) се појави во Општинскиот суд во Загреб, каде што се соочи со жената Гордана Булијан Фландер, поранешна директорка на Поликлиниката за заштита на деца и млади во Загреб.
Северина е обвинета дека ја прогонувала Гордана, а дека на синовите на директорката на училиштето каде што учел нејзиниот син Александар, Лилјана Клингер, им праќала навредливи пораки.
фото: Јутјуб - принтскрин
По завршувањето на рочиштето, Северина даде изјава за медиумите и видеото го објави на Инстаграм, а до него напиша:
„Уште еден поход на суд, овој пат во Општинскиот казнен суд во Загреб. Второ рочиште, во обвинението подигнато во само 9 месеци, каде што се теретам за ‘наметливо однесување’, а тоа ви е казнено дело.
Истовремено јас водам битка за старателство 11 години и тука нема брзина и ефикасност. Јас очигледно не сум ја нашла мојата ‘радост’ да ми ги решава проблемите, а велат дека сум ‘убава’.
Јас така ‘убава и моќна’ се влечкам по судови 11 години. И на системот не му е гајле.
П. С. Никогаш не би отишла во кафуле каде што ‘радостите’ седат, места каде што се плеткаат и разменуваат пари... Но, да продавате деца? Е па, нема да може!“
Инаку, кај хрватските медиуми особено внимание привлече и модната комбинација што пејачката ја носеше на суд.
фото: Јутјуб - принтскрин
Таа се појави во бел костим од брендот Self Portrait со лелеаво миди здолниште и сако со црни детали и панделка, која потсетува на моделите на Chanel.
Овој костим се продава по цена од 485 евра, а на себе Севе ги носеше и своите среќни чевли, што ги носеше и на последното рочиште, кои се продаваат по цена од 1.420 евра.
Целиот изглед Севе го надополни со класична чанта од Chanel која се продава по цена од неколку илјади евра.
Б. С. Б. | Црнобело
Би можело да ве интересира:
Препорачуваме
Најчитани неделава
