„Конечно дома“ – Марија Шерифовиќ со синот се врати во Србија

Детали

вторник, 26 декември 2023

„Ајде дома“ – возбудено вели во едно од видеата Марија Шерифовиќ на кое се гледа дека на аеродром тргнува за Србија.

Српската пејачка Марија Шерифовиќ и нејзината мајка Верица повеќе од 20 дена престојуваа во САД, каде на 2-ри декември годинава се роди нејзиниот син Марио, а таа не ја криеше возбудата што конечно ќе си одат дома во Србија.

Марија на Инстаграм Стори покажа дека патувањето до дома било мошне удобно, затоа што патувале во прва класа, а во едно од видеата таа возбудено му вели на синот:

„Ајде дома!!!“

Таа објави и кратко видео од нејзиниот дом во Белград, каде се гледа дека до новогодишната елка има голем број сини балони и балон во форма на штрк за да се означи доаѓањето на новиот член во домот.

Очигледно, роднините на Марија се нетрпеливи да го запознаат малиот Марио, па таа се пошегува и напиша:

„Е па баби, дедовци, тетки, стрини, стриковци, браќа, кумови – Подароци примаме од утре од 10.00 часот“.

Инаку, Марија доби голем број пофалби затоа што отворено зборува за својата борба за потомство и призна дека откако неколкупати неуспешно се обидувала сама да ги износи бебињата, се одлучила да започне процедура за сурогат мајчинство.

Прочитајте и Сите детали за патот до мајчинство на Марија Шерифовиќ: Детето се родило во САД, името на таткото не смее да го открие

Б. С. Б. | Црнобело