Ручек за цело семејство: Рецепт за вкусна црвена леќа

Потребни состојки

• 1 чаша црвена леќa Сончева Долина
•  1 главица кромид
• 1 морков
• 2 лажици масло за јадење
• 1,2л вода
• 1 супена лажица брашно
• 1 супена лажица салца од домати

Подготовка

Во тенџере ставаме масло за јадење и кромид и пржиме на тивок оган. Откако кромидот  ќе добие златна боја, додаваме 1 лажица брашно, 1 лажица салца од домати и мешаме.

Потоа ја додаваме црвената леќа, морковот и повторно мешаме, малку да се пропржат.

Ја додаваме водата и вариме на тивок оган , додека морковот и леќата не омекнат. Зачинуваме по вкус со сол, мешан зачин и црн бибер.

На крај целата смеса ја матиме во блендер, додека не се добие кремава целина.

По вкус сервирајте со лимон.